មនុស្សស្លាប់ និងបាត់ខ្លួន ១៨នាក់ ក្នុងហេតុការណ៍បាក់ស្ពាន នៅប្រទេសប្រេស៊ីល
ម៉ាណូស៖ មានករណីបាក់ស្ពានមួយកន្លែងនៅប្រទេសប្រេស៊ីលបានបណ្តាលឲ្យស្លាប់មនុស្សចំនួន៣នាក់ និង១៥នាក់ផ្សេងទៀតបានបាត់ខ្លួន។ ហេតុការណ៍នេះបានកើតឡើង នៅឯរដ្ឋ Amazonas ស្ថិតនៅភាគខាងជើងនៃប្រទេស កាលពីថ្ងៃពុធទី២៨ ខែកញ្ញា ឆ្នាំ២០២២។
ស្ពាននេះតភ្ជាប់ទៅផ្លូវហាយវេ BR-319 នៅក្នុងទីក្រុង Careiro ស្ថិតនៅចម្ងាយជាង ១០០គីឡូម៉ែត្រពីរដ្ឋធានីម៉ាណូស (Manaus) នៃរដ្ឋអាម៉ាហ្សូណាស់ បានបាក់រលំ។
បើតាមអាជ្ញាធរប្រេស៊ីល មនុស្ស១៤នាក់ ក៏បានរងរបួសផងដែរ នៅក្នុងហេតុការណ៍បាក់ស្ពានខាងលើ ដែលកើតឡើងនៅពេលមានរថយន្ដជាច្រើន គ្រឿងបើកឆ្លងកាត់។
មិនទាន់មានការបញ្ជាក់ពីមូលហេតុបណ្ដាលឱ្យបាក់ស្ពាននេះនៅឡើយទេ ខណៈក្រុមអ្នកជួយសង្គ្រោះកំពុងតាមស្វែងរកមនុស្ស១៥នាក់ ដែលបានបាត់ខ្លួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។