ក្រិច៖ ករណីរថភ្លើងបុកគ្នា ស្លាប់មនុស្សជិត ៦០នាក់ ផ្ទុះការតវ៉ា ជាអំពើហិង្សា
អាថែន៖ នាយកស្ថានីយរថភ្លើង នៅប្រទេសក្រិក រងការចោទប្រកាន់ពីបទធ្លាក់ផ្លូវដែក ខណៈនាយករដ្ឋមន្ត្រីស្វែងរកការលើកលែងទោស ប៉ុន្តែការបាតុកម្មតវ៉ានៅតែបន្តធ្វើ។
ម្ចាស់ស្ថានីយ ដែលជាប់ពាក់ព័ន្ធនៅក្នុងការធ្លាក់ផ្លូវដែកដ៏សាហាវបំផុតរបស់ប្រទេសក្រិក ស្លាប់មនុស្ស យ៉ាងហោចណាស់ ចំនួន៥៨ នាក់ ត្រូវបានចោទប្រកាន់ និងចាប់ឃុំខ្លួន កាលពីថ្ងៃអាទិត្យ ពោលគឺនៅប៉ុន្មានម៉ោង បន្ទាប់ពីនាយករដ្ឋមន្ត្រីបា នស្នើសុំការអភ័យទោសចំពោះគ្រោះមហន្តរាយនេះ។
នៅតាមដងផ្លូវ ការខឹងសម្បារជាសាធារណៈចំពោះអ្នកស្លាប់បានផ្ទុះឡើងជាអំពើហិង្សា ក្នុងបាតុកម្ម ដើម្បីតវ៉ាចំពោះការធ្វេសប្រហែសដ៏យូរនៃសុវត្ថិភាពផ្លូវដែក និងដើម្បីកាន់ទុក្ខជនរងគ្រោះ។
ប្រភពផ្លូវច្បាប់បានប្រាប់ AFP ថា មេស្ថានីយរថភ្លើង អាយុ ៥៩ ឆ្នាំ ដែលត្រូវបានគេដាក់ឈ្មោះថា វ៉ាស៊ីលលីស (Vassilis Samaras) ត្រូវបានចោទប្រកាន់ ទាក់ទងនឹងតួនាទីរបស់លោក នៅក្នុង “ការស្លាប់របស់មនុស្សមួយចំនួនធំ” ហើយត្រូវបានចាប់ខ្លួន។ នៅក្រោមច្បាប់ប្រទេសក្រិច បទល្មើសនេះត្រូវផ្តន្ទាទោសពី ១០ឆ្នាំ ទៅមួយជីវិត។
កាលពីព្រឹកថ្ងៃអាទិត្យ មុនពិធីគោរពវិញ្ញាណក្ខន្ធនៅរដ្ឋធានីអាថែន នាយករដ្ឋមន្ត្រី គីរីយ៉ាកូស មីតសូតាគីស ( Kyriakos Mitsotakis ) បានសរសេរសារផ្ញើទៅកាន់ប្រជាជាតិ។
លោកបានសរសេរថា “ក្នុងនាមជានាយករដ្ឋមន្ត្រី ខ្ញុំជំពាក់ករណីនេះ ដល់មនុស្សគ្រប់គ្នា ប៉ុន្តែជាពិសេសចំពោះសាច់ញាតិជនរងគ្រោះ (សុំ) ការលើកលែងទោស”។
លោក មីតសូតាគីស (Mitsotakis) បានសរសេរនៅក្នុងសារបង្ហោះនៅលើទំព័រហ្វេសប៊ុករបស់លោកថា “សម្រាប់ប្រទេសក្រិច ឆ្នាំ ២០២៣ រថភ្លើងពីរដែលធ្វើដំណើរក្នុងទិសដៅផ្សេងគ្នាមិនអាចរត់លើខ្សែបន្ទាត់តែមួយបានទេ ហើយគ្មាននរណាម្នាក់កត់សម្គាល់ទេ” ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។