សន្តិសុខសមត្ថកិច្ចបង្ក្រាបបករណីគ្រឿងញៀនដ៏ធំនៅខេត្តកំពង់ឆ្នាំង ឃាត់ខ្លួនមនុស្ស២នាក់
កម្លាំងសមត្ថកិច្ចជំនាញនគរបាលខេត្តកំពង់ឆ្នាំង កាលពីថ្ងៃម្សិលមិញបានឃាត់ខ្លួនមនុស្ស២នាក់ រួមជាមួយវត្ថុតាងជាគ្រឿងញៀនមួយចំនួនធំ។
បើតាមសមត្ថកិច្ចថា ជនសង្ស័យទាំងពីរនាក់ត្រូវសមត្ថកិច្ចដាក់បណ្តាញតាមស៊ើបជាយូរថ្ងៃមកហើយ រហូតដល់ថ្ងៃទី១០ខែមករា ឆ្នាំ២០១៩ ទើបសមត្ថកិច្ចរៀបចំកម្លាំងចុះបង្រ្កាប និងចាប់ខ្លួនបាននៅវេលាម៉ោង1និង០០នាទីរសៀលថ្ងៃទី១០ ខែមករា នេះនៅចំណុចឃុំផ្សារ ស្រុកបរិបូរណ៍ ខេត្តកំពង់ឆ្នាំង។
ជនសង្ស័យទាំង២នាក់ ១.ឈ្មោះ ខៀវ សុវី អាយុ ២២ឆ្នាំ ភេទប្រុស ២.ឈ្មោះ ម៉ប់ អាយុ ២៨ឆ្នាំ ភេទប្រុសស្នាក់នៅក្នុងភូមិព្រៃតាមូង ឃុំផ្សារ ស្រុកបរិបូរណ៍។
ក្នុងពេលចុះបង្រ្កាបសមត្ថកិច្ចដកហូតបានគ្រឿងញៀនប្រភេទអាសេអ៊ី៣កញ្ចប់ធំមានទម្ងន់ច្រើនគីឡូ ថ្នាំញៀនកេតាមីន និងថ្នាំញៀនប្រភេទទឹក៥០ប្រអប់ដោយមួយប្រអប់ស្មើ២៥ដប(ជាប្រភេទថ្នាំសប្បាយក្នុងក្លឹប) និងរថយន្តម៉ាក ហាយឡែនឌរ័ពណ៍ពាក់ស្លាកលេខភ្នំពេញ 1AF3842 និងម៉ូតូ១គ្រឿងម៉ាកឌូបពាក់ស្លាក1GP9640 ទូរសព្ទ័ដៃ១០គ្រឿងរួមនិងប្រាក់រៀលនិងដុល្លារមួយចំនួនផងដែរ។
បច្ចុប្បន្នជនសង្ស័យរួមនិងវត្ថុតាង ត្រូវសមត្ថកិច្ចនាំមកស្នងការដ្ឋាននគរបាលខេត្តកំពង់ឆ្នាំង ដើម្បីធ្វើការសាកសួរ និងស្រាវជ្រាវបន្តទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។