សន្តិសុខសង្គម

ក្របួចអ្នកលេងបក្សីកីឡា បញ្ចូលក្នុងសង្វៀនជល់មាន់ដូចមាន់

ខេត្តបាត់ដំបង៖ កម្លាំងនគរបាលការិយាល័យព្រហ្មទណ្ឌកំរិតស្រាល ខេត្តបាត់ដំបងបានចុះបង្ក្រាបទីតាំងជល់មាន់មួយកន្លែង ឃាត់ខ្លួនអ្នកលេងចំនួន១២នាក់ ឲ្យអង្គុយស្ងៀមកុំកម្រើកនៅក្នុងសង្វៀនជល់មាន់ដូចមាន់ជល់ និងរឹបអូសវត្ថុតាងសង្វៀនកៅស៊ូ១ មាន់ឈ្មោល២ក្បាល និងម៉ូតូ១៦គ្រឿង ។

ការបង្ក្រាបទីតាំងជល់មាន់មួយកន្លែងនេះបានប្រព្រឹត្តទៅ កាលពីរសៀល ថ្ងៃសៅរ៍ ៦ រោច ខែបុស្ស ឆ្នាំ ច សំរឹទ្ធិស័ក ព.ស.២៥៦២ ត្រូវនឹង ថ្ងៃទី២៦ ខែមករា ឆ្នាំ២០១៩ នៅវាលស្រែក្រោមដើមឈើមួយដើមត្រង់ចំណុចក្នុងភូមិរការ ឃុំរការ ស្រុកសង្កែ ខេត្តបាត់ដំបង ដែលក្រុមនិយមលេងភ្នាល់មាន់ជល់បង្កើតឡើងដោយលួចលាក់យូរមកហើយ ។

មន្ត្រីនគរបាលការិយាល័យព្រហ្មទណ្ឌកំរិតស្រាល ខេត្តបាត់ដំបង បានឲ្យដឹងថាអ្នកលេងមាន់ជល់ដែលសមត្ថកិច្ចឃាត់ខ្លួនទាំង១២នាក់សុទ្ធតែបុរស និងវត្ថុតាងនេះ ត្រូវបាននាំយកមកស្នងការដ្ឋាននគរបាលខេត្ត ដើម្បីសាកសួររួចកសាងសំណុំរឿងបញ្ជូនខ្លួន និងវត្ថុតាងទៅសាលាដំបូងខេត្ត ដើម្បីចាត់ការតាមច្បាប់ ៕ សហការី

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Show More

Related Articles

Close