ចាប់ពីថ្ងៃនេះ រហូតដល់ថ្ងៃទី២២ កុម្ភៈ សីតុណ្ហភាពនៅតំបន់ខ្លះនៃព្រះរាជាណាចក្រកម្ពុជានឹងឡើងដល់៣៦អង្សាសេ
យោងតាមការព្យាករណ៍អាកាសធាតុរបស់ក្រសួងធនធានទឹក និងឧតុនិយម ឲ្យដឹងថា ចាប់ពីថ្ងៃនេះ រហូតដល់ថ្ងៃទី២២ ខែកុម្ភៈ សីតុណ្ហភាពនៅក្នុងព្រះរាជាណាចក្រកម្ពុជា នឹងបន្តកើនឡើងបន្តិចបន្ថែមទៀតក្នុងក្របខណ្ឌទូទាំងប្រទេស។
ដោយក្នុងនោះ សីតុណ្ហភាពនឹងឡើងខ្ពស់បំផុតរង្វង់ ៣៥ ទៅ៣៦អង្សាសេ លើកលែងតែខេត្តមណ្ឌលគិរី និងរតនគិរី ដែលឡើងខ្ពស់បំផុត ៣០ ទៅ៣២អង្សា។
ជាមួយគ្នា នៅថ្ងៃទី១៨ ខែកុម្ភៈ ផ្នែកខ្លះនៃបណ្តាខេត្តដែលស្ថិតនៅតំបន់វាលទំនាបភាគកណ្តាល តំបន់ខ្ពង់រាបភាគខាងជើង និងតំបន់មាត់សមុទ្រ អាចនឹងមានភ្លៀងធ្លាក់បន្តិចបន្តួច។
ក្រសួងក៏បានស្នើដល់បងប្អូនប្រជាពលរដ្ឋឲ្យបង្កើនការប្រុងប្រយ័ត្នខ្ពស់ចំពោះបាតុភូតរន្ទៈ និងខ្យល់កន្រ្តាក់ដែលអាចនឹងកើតមាននៅពេលមេឃរកកលភ្លៀង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។