ចុងខែមីនានេះ ភ្លៀងកក់ខែនឹងមានកម្រិតថយចុះ សីតុណ្ហភាពនឹងឡើងសារជាថ្មីរហូតដល់៣៧អង្សាសេ
យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ចេញផ្សាយនៅរសៀលថ្ងៃទី២៥ ខែមីនា ឆ្នាំ២០១៩ បានឲ្យដឹងថា នៅថ្ងៃទី២៦-២៩ ខែមីនា ឥទ្ធិពល នៃការប្រសព្វគ្នារវាងសម្ពាធទាប និងសម្ពាធខ្ពស់ នៃតំបន់ខ្ពង់រាបចុះខ្សោយ ធ្វើឲ្យកម្រិតទឹកភ្លៀងកក់ខែ ក៏ធ្លាក់ចុះផងដែរ ។ ទន្ទឹមនេះ កម្តៅនឹងកើនឡើងវិញ ដែលកម្រិតសីតុណ្ហភាពអតិបរមា មានពី ៣៤-៣៧ អង្សាសេ។
ដោយឡែកចាប់ពីថ្ងៃទី៣០ ខែមីនា ដល់ថ្ងៃទី២ ខែមេសា ឥទ្ធិពល នៃការប្រសព្វគ្នារវាងសម្ពាធទាប និងសម្ពាធខ្ពស់ បន្តកើនឡើងវិញសារជាថ្មីម្តងទៀត ដែលបណ្តាលឲ្យមានភ្លៀងកើតឡើងវិញជាបន្តបន្ទាប់ ដែលនាំមកជាមួយនូវ ផ្គររន្ទះ និងខ្យល់កន្រ្តាក់ផងដែរ ដែលនេះ ក្រសួងស្នើឲ្យបងប្អូនប្រជាពលរដ្ឋមានការប្រុងប្រយ័ត្នខ្ពស់ ចំពោះបាតុភូត ផ្គររន្ទះ និងខ្យល់កន្រ្តាក់ ដែលអាចកើតមានជាយថាហេតុ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។