ឆេះផ្ទះពីរខ្នងទាំងព្រឹកនៅសង្កាត់ស្លក្រាម ក្រុងសៀមរាប
សៀមរាប៖ ផ្ទះប្រជាពលរដ្ឋចំនួន២ខ្នង ត្រូវបានអគ្គិភ័យឆាបឆេះទាំងព្រលឹមថ្ងៃទី៥ ខែមេសា ឆ្នាំ២០១៩នេះ នៅក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប។
យោងតាមរបាយការណ៍សមត្ថកិច្ចបានបញ្ជាក់ថា ផ្ទះទាំងពីរខ្នងនោះ មួយជាកម្មសិទ្ធិរបស់ឈ្មោះ ឈា ដាវី ភេទស្រី អាយុ៥០ឆ្នាំ មុខរបរលក់ដូរ ខូចចាតផ្ទះធ្វើអំពីថ្មប្រក់ស័ង្កសី ប្រវែង០៥x១០m ម៉ូតូមួយគ្រឿងម៉ាកសង់០១៥ ពណ៌ខ្មៅ,លុយដុល្លារ១ពាន់ដុល្លារ លុយខ្មែរ១៨លានរៀលព្រមទាំងសម្ភារៈប្រើប្រាស់មួយចំនួន, ចំណែកផ្ទះមួយទៀតជាកម្មសិទ្ថិរបស់ឈ្មោះ ប៉ាត សូត្រ ភេទស្រី អាយុ៦៧ឆ្នាំ មុខរបរលក់ដូរ ខូចខាតផ្ទះធ្វើអំពីថ្មប្រក់ស័ង្កសី ប្រវែង០៦x០៩m ម៉ាស៊ីនដេរចំនួន០៣គ្រឿង សម្ភារៈប្រើប្រាស់មួយចំនួន សរុបជាទឹកប្រាក់ប្រហែល២៥០០ដុល្លារអាមេរិក។
យ៉ាងណាក៏ដោយ ករណីអគ្គិភ័យនេះ សមត្ថកិច្ចបានអន្តរាគមន៍ជួយពន្លត់ឲ្យរលត់ទៅវិញនៅវេលាម៉ោងប្រមាណ៦ព្រឹកថ្ងៃដដែល ដោយប្រើប្រាស់អស់ទឹកចំនួន៤រថយន្ត។
ហើយចំពោះមូលហេតុដែលបណ្តាលឲ្យកើតមានគ្រោះអគ្គិភ័យនេះ សមត្ថកិច្ចបានបញ្ជាក់ថា គឺដោយសារតែឆ្លងចរន្តអគ្គិសនី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។