អ្នកនាំពាក្យអគ្គស្នងការដ្ឋាននគរបាលជាតិបង្ហាញពីមូលហេតុនៃការកើនឡើងគ្រោះថ្នាក់ចរាចរក្នុងពិធីបុណ្យចូលឆ្នាំថ្មី
អ្នកនាំពាក្យអគ្គស្នងការដ្ឋាននគរបាលជាតិ បានបង្ហាញពីមូលហេតុនៃការកើនឡើងគ្រោះ ថ្នាក់ចរាចរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ខណៈដែលចំនួនគ្រោះថ្នាក់ចរាចរឆ្នាំនេះ គឺមានកើនឡើងខ្ពស់គួរឱ្យកត់សម្គាល់បើប្រៀបធៀបជាមួយឆ្នាំ២០១៨កន្លងទៅ។
គ្រោះថ្នាក់ចរាចរណ៍រយៈពេល៣ថ្ងៃ ក្នុងឱកាសពិធីបុណ្យ ចូលឆ្នាំខ្មែរ គិតចាប់ពីថ្ងៃ១៤ ដល់ថ្ងៃទី១៦ ខែមេសា ឆ្នាំ២០១៩ គឺមានការកើតឡើងចំនួន៨៥លើក ដែលចំនួននេះកើនឡើងចំនួន៣០លើក។
លោកឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ បានពន្យល់ថា ការកើនឡើងនេះ ដោយសារតែឥរិយាបថនៃការបើកបររបស់ប្រជាពលរដ្ឋយើងមិនគោរពច្បាប់ចរាចរណ៍ បើទោះបីជាសមត្ថកិច្ចធ្វើការពន្យល់អប់រំផ្សព្វផ្សាយហើយយ៉ាងណាក៏ដោយ។
ក្រៅពីបញ្ហាខាងលើនេះ ក៏មានបញ្ហាប្រើប្រាស់គ្រឿងស្រវឹងក៏ជាផ្នែកមួយផងដែរ ដែលធ្វើឱ្យមានគ្រោះថ្នាក់ចរាចរនេះផងដែរ។
ប្រឈមមុខចំពោះបញ្ហានេះ លោកឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ បានសង្កត់ធ្ងន់ថា សមត្ថកិច្ចនឹងបង្កើនការអនុវត្តច្បាប់ឲ្យកាន់តែតឹងរឹង ក៏ដូចជាការផ្សព្វផ្សាយច្បាប់ចរាចរណ៍ឲ្យកាន់តែខ្លាំងក្លា ដើម្បីធ្វើយ៉ាងណាឲ្យប្រជាពលរដ្ឋចូលរួមគោរពច្បាប់ដើម្បីបញ្ចៀសបញ្ហាគ្រោះថ្នាក់ចរាចរនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។