រថភ្លើងចំនួន៤ទូរបស់ថៃ មកដល់ស្ថានីយប៉ោយប៉ែតហើយ ត្រៀមប្រគល់ឲ្យកម្ពុជានៅថ្ងៃតភ្ជាប់ផ្លូវរថភ្លើង
រថភ្លើងចំនួន៤ទូ ដែលនឹងត្រូវប្រគល់ជូន ដោយរាជរដ្ឋាភិបាលថៃមកកម្ពុជា ក្នុងឱកាសដាក់សម្ពោធការតភ្ជាប់ផ្លូវដែករវាងកម្ពុជា និងថៃ នៅដើមសប្តាហ៍នេះ បានបញ្ជូនមកស្ថានីយប៉ោយប៉ែតហើយ។
ការបញ្ជូនមកនេះ គឺដើម្បីសាកល្បង និងត្រួតពិនិត្យលក្ខណៈបច្ចេកទេស មុននឹងនាយករដ្ឋមន្ត្រី នៃប្រទេសទាំងពីរជិះរថភ្លើងពីស្ថានីយបានខ្លងលឹករបស់ថៃ មកកាន់ស្ថានីយប៉ោយប៉ែត នាព្រឹក ថ្ងៃទី២២ ខែមេសា ឆ្នាំ២០១៩ ខាងមុខនេះ។
តាមការបញ្ជាក់របស់ក្រសួងសាធារណការ និងដឹកជញ្ជូន រថភ្លើងមួយខ្សែនេះ មានចំនួន៤ទូ នឹងអាចផ្ទុកអ្នកដំណើរបានប្រមាណជា៣២០នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។