ផ្លូវដែកកម្ពុជា-ថៃ បានតភ្ជាប់គ្នារួចហើយ តែមិនទាន់អាចដឹកទំនិញឆ្លងកាត់បានឡើយ
លោក វ៉ាស៊ីម សូរិយា អ្នកនាំពាក្យក្រសួងសាធារណការ និងដឹកជញ្ជូនត្រូវបានសារព័ត៌មានក្នុងស្រុកដកស្រង់សម្តីមកថា ការដឹកជញ្ជូនអ្នកដំណើរ និងទំនិញឆ្លងកាត់តាមខ្សែរថភ្លើង នៅតែមិនទាន់ត្រូវបានអនុញ្ញាតទេ បើទោះបីជាមានពិធីតភ្ជាប់កាលពីខែមេសាក៏ដោយ។
ចំពោះមូលហេតុ ត្រូវបានលោកបញ្ជាក់ថា គឺដោយសារតែប្រទេសទាំងពីរ នៅត្រូវការចរចារអំពីនីតិវិធី សម្រាប់ការត្រួតពិនិត្យពន្ឋគយនៅព្រំដែននៅឡើយ។
គម្រោងផ្លូវដែកភាគខាងជើងរបស់ប្រទេសកម្ពុជា ត្រូវបានបញ្ចប់រួចរាល់ហើយ កាលពីខែសីហា ដែលមានប្រវែងជាង ៣៨៦ គីឡូម៉ែត្រ ពីភ្នំពេញទៅប៉ោយប៉ែត នៅព្រំដែនជាមួយប្រទេសថៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។