តុលាការកំពូលតម្កល់ទោស ជួប សម្លាប់ ជាប់គុកអស់មួយជីវិតករណីសម្លាប់លោកបណ្ឌិត កែម ឡី
ក្រុមប្រឹក្សាជំនុំជំរះតុលាការកំពួល នៅថ្ងៃទី ២៤ឧសភា ឆ្នាំ២០១៩នេះបានប្រកាសសាលដីកាសម្រេចតម្កល់ទុកសេចក្ដីសម្រេចរបស់តុលាការថ្នាក់ក្រោមអោយនៅជាធរមានដដែល ពោលគឺផ្ដន្ទាទោសជួប សម្លាប់ដាក់ពន្ធនាគារអស់មួយជីវិត ពាក់ព័ន្ធករណីធ្វើឃាតលោកបណ្ឌិតកែម ឡី ។
កាលពីថ្ងៃទី ០៨ឧសភា ឆ្នាំ២០១៩ លោកចៅក្រម គង់ ស្រ៊ីម ប្រធានក្រុមប្រឹក្សាជំនុំជំរះតុលាការកំពួល បានលើកយកសំណុំរឿងឃាតកម្មសម្លាប់លោកបណ្ឌិតកែម ឡីដែលមានជនជាប់ចោទឈ្មោះ អឿត អាង ហៅជួបសម្លាប់អាយុ៣៨ឆ្នាំដែលបានប្តឹងសារទុក្ខមកធ្វើការជំនុំជម្រះជាសាធារណៈ តែតុលាការបានលើកពេលប្រកាលដីកាទៅនៅថ្ងៃទី២៤ឧសភាឆ្នាំ២០១៩នេះ ។
ជនជាប់ចោទ អឿត អាង ហៅ ជួប សម្លាប់ត្រូវបានចាប់ខ្លួនកាលពីថ្ងៃទី១០ខែកក្កដា២០១៦បន្ទាប់ពីមាន ករណីបាញ់សម្លាប់លោកបណ្ឌិត កែម ឡីនៅចំណុចផ្សារស្តាម៉ាតស្ថានីយ៍ប្រេងសាំងកាលតិចស្តុបបូកគោសង្កាត់ទន្លេបាសាក់ ខណ្ឌចំការមន។
កាលពីថ្ងៃទី១១ខែឧសភា ឆ្នាំ២០១៨ចៅក្រមសាលាឧទ្ធរណ៍បានសម្រេចប្រកាសសាដីកាតម្កលទោសជនជាប់ចោទ អឿត អាង ហៅ ជួប សម្លាប់ នៅដែលពោលគឺផ្តន្ទាទោសដាក់ពន្ធនាគារអស់មួយជីវិតក្រោមការចោទប្រកាន់ពីបទ ឃាតកម្មគិតទុកជាមុន តាមមាត្រា២០០នៃក្រមព្រហ្មទណ្ឌ និងបទការកាន់កាប់អាវុធដោយខុសច្បាប់ ករណីបាញ់សម្លាប់លោកបណ្ឌិត កែម ឡី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។