រំលឹកឡើងវិញ នៅគ្រោះថ្នាក់យន្តហោះនៅក្នុងប្រទេសរុស្ស៊ី ក្នុងអំឡុងឆ្នាំ២០១០ដល់ឆ្នាំ២០១៨
កាលពីថ្ងៃទី១១ខែកុម្ភៈឆ្នាំ២០១៨កន្លងមក យន្តហោះដឹកអ្នកដំណើរ៧១នាក់បានធ្លាក់នៅជិតទីក្រុងមូស្កូ បន្តាលឲ្យមនុស្ស៧១នាក់ស្លាប់រួមទាំងក្រុមពហុនិកា ។ គ្រោះថ្នាក់ខាងលើបានធ្វើឲ្យគេនឹកឃើញដល់គ្រោះថ្នាក់ ដែលបានកើតឡើងនាពេលកន្លងមក សម្លាប់មនុស្សរាប់រយនាក់ គិតចាប់តាំងពិឆ្នំា២០១០មកទលពេលនេះ។
ខាងក្រោមនេះជាគ្រោះថ្នាក់យន្តហោះនៅរុស្ស៊ីកន្លងមក៖
ថ្ងៃទី៣ខែសីហាឆ្នាំ២០១០៖ យន្តហោះដឹកអ្នកដំណើរ An-24RV របស់ក្រុមហ៊ុនអាកាសចរណ៍ Katekavia បានបុកទៅនឹងដើមឈើពេលចុះចត់នៅក្នុងអាកាសធាតុ មិអំណោយផលពេល នៅអាកាសយានដ្ឋាន Igarki បណ្តាលឲ្យអ្នកដំណើរ១១នាក់ និងក្រុមពហុនិកាម្នាក់ក្នុងចំណោម៤នាក់ ស្លាប់។
នៅថ្ងៃទី៤ខែធ្នូឆ្នាំ២០១០៖ នៅក្នុងអាកាសយានដ្ឋានអន្តរជាតិ Domodedovo នៅទីក្រុងមូស្កូ យន្តហោះ Tu-15M របស់ក្រុមហ៊ុនអាកាសចរណ៍ South East Airlines បានចុះចតជាបន្ទាន់ ដោយសារតែមានបញ្ហាម៉ាស៊ីន បណ្តាលឲ្យអ្នកដំណើរ២នាក់ ក្នុងចំណោម១៦៣នាក់ស្លាប់។
ថ្ងៃទី១ខែមករាឆ្នាំ២០១១៖ នៅក្នុងអាកាសយានដ្ឋានSurgut នៅពេលដែលបញ្ចូនយន្តហោះ ទៅកាន់ផ្លូវហោះហើរ ម៉ាស៊ីនមួយគ្រឿងក៏បានឆាប់ឆេះ ក្រោយមកក៏រាលដាលទៅកាន់ទីកន្លែងអង្គុយរបស់អ្នកដំណើរ១១៦នាក់និង ក្រុមពហុនិការ៨នាក់។ ហេតុការនោះបានបណ្តាលឲ្យមនុស្ស៣នាក់ស្លាប់ ៤០នាក់រងរបួស ចំណែកយន្តហោះគឺរងការបំផ្លាញដោយអគ្គិភ័យស្ទើរតែទាំងស្រុង។
ថ្ងៃទី២០ខែមិថុនាឆ្នាំ២០១១៖ នៅពេលចុះចត់នៅក្នុងអាកាសយានដ្ឋាន Petrozavodsk យន្តហោះ Tu-134 របស់ក្រុមហ៊ុនអាកាសចរណ៍ RusAir បានហោះហើរចេញពីទីក្រុង មូស្កូ ហើយចុះចត់ខុសផ្លូវ ប្រមាណ១គីឡូម៉ែត្រ បណ្តាលឲ្យអ្នកដំណើរ ៤៧នាក់ក្នុងចំណោម៥២នាក់ស្លាប់។មូលហេតុគឺជាកំហុសអ្នកបើកបរ ។
ថ្ងៃទី១១ខែកក្កដាឆ្នាំ២០១១៖នៅជាយក្រុង Nizhnevatovsk ក្នុងដងទន្លេរ Ob យន្តហោះ An-24Rvបានចុះចត់ជាបន្ទាន់ក្រោយម៉ាស៊ីនយន្តហោះឆាប់ឆេះនៅលើអាកាស ។ នៅលើយន្តហោះមាន អ្នកដំណើរ៣៣នាក់ បានបុកចុះដីបណ្តាលឲ្យយន្តហោះ បែកជា៣កំណាត់ បណ្តាលឲ្យអ្នកដំណើរ ៧នាក់ស្លាប់និង ២០នាក់រងរបួស។
ថ្ងៃទី២ខែមេសាឆ្នាំ២០១២៖យន្តហោះ ATR-72 របស់ក្រុមហ៊ុនអាកាសចរណ៍Utair បានជាប់គ្រោះថ្នាក់ពេលហោះហើរចេញពីអាកាសយានដ្ឋាន Roshino បណ្តាលឲ្យអ្នកដំណើរ ៣៣នាក់ ក្នុងចំណោម៤៣នាក់ស្លាប់។មូលហេតុគឺកំហុសអាកាសយានឹក។
ថ្ងៃទី១០ខែឧសភាឆ្នាំ២០១២៖យន្តហោះដឹកអ្នកដំណើរSukhoi Superjet បានហោះហើរ សម្តែងឲ្យអតិថជនបានឃើញ ក៏បានបើកបុកទៅនឹង កំពូលភ្នុំភ្លើងនៅឥណ្ឌូនេស៊ី បណ្តាលឲ្យអ្នកដំណើរទាំង ៤៥នាក់នៅលើយន្តហោះស្លាប់ ទាំងអស់។
ថ្ងៃទី១៧ខែវិច្ឆិការឆ្នាំ២០១៣៖ យន្តហោះដឹកអ្នកដំណើរ ៧៣៧ របស់ក្រុមហ៊ុនអាកាសចរណ៍ Tatarstan Airlines បានធ្លាក់ពេលចុះចត់ ក្នុងអាកាសយានដ្ឋាន Kazan បណ្តាលឲ្យអ្នកដំណើរទាំងអស់ នៅលើយន្តហោះស្លាប់ ។
ថ្ងៃទី៣១ខែតុលាឆ្នាំ២០១៥៖យន្តហោះ Airbus A321របស់ក្រុមហ៊ុនអាកាសចរណ៍ Kogalymavia ហោះហើរពី Sharm El Sheikh ប្រទេសអេហ្ស៊ីប ឆ្ពោះទៅកាន់ ទីក្រុង Saint Petersburg ក៏បានផ្ទុះនៅលើអាកាស បណ្តាលឲ្យអ្នកដំណើរ ២១៧នាក់ និងក្រុមពហុនិការ៧នាក់ស្លាប់ ។
ថ្ងៃទី១៩ខែមីនាឆ្នាំ២០១៦៖ យន្តហោះដឹកអ្នកដំណើរ FZ981របស់ក្រុមហ៊ុនអាកាសចរណ៍ Flydubai ហោះហើរចេញពីទីក្រុង ឌូបៃទៅកាន់ទីក្រុង Rostov on Don ប្រទេសរុស្ស៊ីបានផ្ទុះ ពេលចុះចត់ បណ្តាលឲ្យអ្នកដំណើរ ៦២នាក់ស្លាប់។
ថ្ងៃទី២៥ខែធ្នូឆ្នាំ២០១៦៖ យន្តហោះTupolev-154 របស់ក្រសួងការពារជាតិរុស្ស៊ី បានហោះហើរទៅកាន់ ប្រទេសស៊ីរីក៏ធ្លាក់នៅសមុទ្រខ្មៅ បណ្តាលឲ្យអ្នកដំណើរ ៩២នាក់ស្លាប់។
ថ្ងៃទីថ្ងៃទី១១ខែកុម្ភៈឆ្នាំ២០១៨៖ យន្តហោះ Antonov -148របស់ក្រុមហ៊ុន Saratov Airlines បានជួបគ្រោះថ្នាក់ពេលហោះហើរចេញពីអាកាសយានដ្ឋាន Domodedovo បណ្តាលឲ្យអ្នកដំណើរ ៧១នាក់ស្លាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។