ជនជាតិចិនពីរក្រុមបើកឆាកប្រយុទ្ធដូចរឿងហុងកុង របួសធ្ងន់ស្រាល៣នាក់
ភ្នំពេញ ៖ ជនជាតិចិនក្រុមក្រោយពីផឹកសីុស្រវឹងរៀងៗខ្លួនក៏បានទាស់សំដីគ្នាឈានដល់ដេញកាប់គ្នាផ្អើលពេញផ្លូវបណ្ដាលឲ្យមានអ្នករងរបួសធ្ងន់ស្រាល៣នាក់។ ករណីនេះបានកើតឡើងកាលពីវេលាម៉ោង១០ និង២០នាទីយប់ ថ្ងៃទី២៨ ខែឧសភាឆ្នាំ២០១៩ត្រង់ចំណុចការដ្ឋានមួយកន្លែង ស្ថិតនៅតាមបណ្ដោយផ្លូវR8 ក្នុងសង្កាត់ស្រះចក ខណ្ឌដូនពេញ ។
យោងតាមប្រភពព័ត៌មានពីបុរសម្នាក់ជាសន្តិសុខដែលយាមកាមនៅទីនោះបានឲ្យដឹងថា មុនពេលកើតហេតុគេឃើញជនជាតិចិនដែលធ្វើការនៅក្នុងការដ្ឋាននេះមានកម្មវិធីផឹកស៊ី លុះដល់ពេលស្រវឹងធ្លាក់ភ្នែកក៏ទាក់សំដីគ្នាមួយប្រាវដោយអ្នកខ្លះតេហៅបក្ខពួកមានទាំងដំបង និងអ្នកខ្លះទៀតមានកាំបិតបុ័ងតោបានធ្វើការកាប់ប្រហាគ្នាយ៉ាងសាហាវបណ្ដាលឲ្យរងរបួសធ្ងន់ស្រាល និងត្រូវបានជនជាតិចិនដូចគ្នាដឹកតាមកង់បីបញ្ជូនទៅមន្ទីពេទ្យភ្លាមៗ ។
ក្រោយពេលហេតុ កម្លាំងអាវុធហត្ថរាជធានីភ្នំពេញបានចុះមកអន្ដរាមន៍មកដល់កន្លែងកើតហេតុ ដើម្បីសាកសួររកជនបង្ក និងជនរងគ្រោះ ឲ្យដោះស្រាយគ្នាតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។