ចាប់បាន​ហើយ​ចោរ​ជំនាញ​កាច់ក​ម៉ូតូ​នៅក្នុង​ក្រុង​សៀមរាប​

​ចោរ​ជំនាញ​ខាង​កាច់ក​ម៉ូតូ​នៅក្នុង​ភូមិ​សាស្រ្ត​ក្រុង​សៀមរាប​ ​ត្រូវ​សមត្ថកិច្ច​ចាប់ខ្លួន​បាន​ហើយ​នៅ​ព្រឹកមិញ​ថ្ងៃទី១៣​ ​ខែមិថុនា​ ​ឆ្នាំ២០១៩នេះ​ ​និង​បាន​រក​ឃើញ​ម៉ូតូ​ចំនួន២គ្រឿង​នៅផ្ទះ​ជនសង្ស័យ​។​

​សមត្ថកិច្ច​បាន​ឲ្យដឹង​ថា​ ​ជនសង្ស័យ​មានឈ្មោះ​ ​គង់​ ​សិទ្ធិ​ ​ហៅ​ ​អា​ជ្រូក​ភេទប្រុស​ ​អាយុ​ ​26ឆ្នាំ​ ​,​ ​ជនសង្ស័យ​រូប​នេះ​ ​គឺជា​មុខសញ្ញា​សកម្មភាព​កាច់​សោក​យក​ម៉ូតូ​ក្នុង​ក្រុង​សៀមរាប​យ៉ាងសកម្ម​។​

​ក្រោយ​ការ​ឃាត់ខ្លួន​ ​សមត្ថកិច្ច​បាន​នាំ​ជនសង្ស័យ​ទៅ​ធ្វើការ​ឆែកឆេរ​នៅផ្ទះ​ដែល​ស្ថិតនៅ​ក្រុម​ទី7​ ​ភូមិ​ស្លក្រាម​ ​សង្កាត់​ស្លក្រាម​ ​ក្រុង​សៀមរាប​ ​ខេត្តសៀមរាប​ ​ហើយ​ជា​លទ្ធផល​សមត្ថកិច្ច​ដកហូត​ម៉ូតូ​ចំនួន​ពីរ​គ្រឿង​:​ ​1​-​ម៉ាក​ហុង​ដា​ឌ្រីម​ ​ស៊េរី​ឆ្នាំ​ ​2019​ ​ពណ៌ខ្មៅ​ផ្លាក​លេខ.ភ្នំពេញ​-​1HA​.​ ​3079​ ​លេខ​តួ​+​លេខ​ម៉ាស៊ីន​ ​5371681​។​ ​2​-​ម៉ាក់​ហុង​ដា​ឌ្រីម​ ​ស៊េរី​ឆ្នាំ​ ​2018​ ​ពណ៌ខ្មៅ​ផ្លាក​លេខ​ ​កណ្ដាល​.​1Y​-​5541​ ​លេខ​តួ​+​លេខ​ម៉ាស៊ីន​ ​5213673​។​

​បច្ចុប្បន្ន​វត្ថុ​តាង​ខាងលើ​ ​ត្រូវ​កម្លាំង​អធិការ​នគរបាល​ក្រុង​សៀមរាប​បាន​យក​ទៅ​រក្សាទុក​នៅ​អធិការ​នគរបាល​ក្រុង​សៀមរាប​ ​ដើម្បី​ធ្វើការ​ស្រាវជ្រាវ​រក​ជនរងគ្រោះ​ដែល​បាន​បាត់​៕​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។