ចុះចំណោតដាច់ហ្វ្រាំង ក្រឡាប់រថយន្តដឹកខ្សាច់មួយគ្រឿង ស្លាប់ម្នាក់ របូសធ្ងន់ម្នាក់
កោះកុង ៖ មនុស្សម្នាក់បានស្លាប់ និងម្នាក់ទៀតរងរបូសធ្ងន់ ក្នុងហេតុការណ៍គ្រោះថ្នាក់ចរាចរណ៍ក្រឡាប់រថយន្ត កាលពីល្ងាចថ្ងៃចន្ទកន្លងទៅនេះ នៅត្រង់ចំណុចអន្ទង់អាំងធំ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង ។
បើតាមការលើកឡើងពីសមត្ថកិច្ចថា ហេតុការណ៍គ្រោះរថ្នាក់ខាងលើ បង្ករដោយរថយន្តម៉ាក Hyundai ពណ៌ ខៀវ គ្មានស្លាកលេខ ដឹកខ្សាច់ ក្នុងទិសដៅពីស្រុកស្រែអំបិល មកទីរួមខេត្តកោះកុង នៅពេលធ្វេីដំណេីរមកដល់ចំណុចកេីតហេតុខាងលេី ពេលចុះចំណោត ក៏បានដាច់ហ្វ្រាំង ហើយក៏ក្រឡាប់ធ្លាក់ផ្លូវដោយខ្លួនឯង បណ្តាលឲ្យស្លាប់ម្នាក់ និងរបួសធ្ងន់ម្នាក់តែម្តង។
សមត្ថកិច្ចបានឲ្យដឹងបន្ថែមទៀតថា អ្នកបើកបររថយន្តខាងលើ មានឈ្មោះ ជួប ណារិទ្ធ ភេទប្រុស អាយុ៤៧ឆ្នាំ មានទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង បានស្លាប់កប់ក្នុងដី និងថ្ម នៅពីខាងមុខរថយន្ត ចំណែកឯអ្នករួមដំណេីរ ម្នាក់ទៀត រងរបួសធ្ងន់ កំពុងសំរាកព្យាបាលនៅមន្ទីរពេទ្យបង្អែកខេត្តកោះកុង ។
ក្រោយកិច្ចអន្តរាគមន៍សមត្ថកិច្ចបានប្រគល់សាកសពជនរងគ្រោះឲ្យទៅប្រពន្ធ ដើម្បីយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។