នៅថ្ងៃទី២៨មិថុនា គណបក្សប្រជាជនកម្ពុជា នឹងធ្វើមីទ្ទិញខួបលើកទី៦៨ថ្ងៃបង្កើតគណបក្ស នៅកោះពេជ្រ
នៅថ្ងៃទី២៨ ខែមិថុនា ខាងមុខនេះ គណបក្សប្រជាជនកម្ពុជា នឹងរៀបចំធ្វើមីទ្ទិញខួបលើកទី៦៨ ថ្ងៃបង្កើតគណបក្សប្រជាជនកម្ពុជា ដែលមានសមាជិកសមាជិកាចូលរួមចំនួន៣ម៉ឺននាក់ នៅទីធ្លាមុខសាលមហោស្រពកោះពេជ្រ នៃមជ្ឈមណ្ឌលសន្និបាត និងពិព័រណ៌កោះពេជ្រ។
យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ ដើម្បីធានាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀសបានការកកស្ទះចរាចរណ៍ រដ្ឋបាលរាជធានីភ្នំពេញ ស្នើដល់បងប្អូនប្រជាពលរដ្ឋដែលគ្រោងធ្វើដំណើរនៅជុំវិញបរិវេណទីតាំងមជ្ឈមណ្ឌលសន្និបាត និងពិព័រណ៌កោះពេជ្រ មេត្តាបញ្ចៀសចរាចរជាបណ្តោះអាសន្ន ចាប់ពីម៉ោង៦ព្រឹក រហូតដល់បញ្ចប់កម្មវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។