ជនជាតិកាណាដាម្នាក់ និងស្ត្រីម្នាក់ទៀត ត្រូវឃាត់ខ្លួន ពាក់ព័ន្ធគ្រឿងញៀន៤កញ្ចប់
ខេត្តកំពត៖ កម្លាំងនគរបាលខេត្តកំពត បានចុះបង្ក្រាបករណីជួញដូរ និងប្រើប្រាស់គ្រឿងញៀន កាលពីថ្ងៃទី២ មិថុនា ឃាត់ខ្លួនជនសង្ស័យចំនួន២នាក់ និងដកហូតថ្នាំញៀនចំនួន ៤កញ្ចប់ នៅភូមិសុវណ្ណសាគរ សង្កាត់កំពង់កណ្តាល ក្រុងកំពត។
ជនសង្ស័យមានឈ្មោះ PLASSE STEVE ភេទប្រុស អាយុ៤១ឆ្នាំ ជនជាតិកាណាដា សញ្ជាតិបារាំង ស្នាក់នៅភូមិ/សង្កាត់ខាងលើ និងឈ្មោះ មិញ ស៊ាលី ភេទស្រី អាយុ៣៥ឆ្នាំ នៅភូមិអ្នកលឿង ឃុំសាយខរ ស្រុកព្រៃវែង ខេត្តព្រៃវែង។
បច្ចុប្បន្នជនសង្ស័យទាំង២នាក់នេះ ត្រូវបានកម្លាំងជំនាញ បានកសាងសំណុំរឿងដើម្បីអនុវត្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។