ឃាត់ខ្លួនយុវជនម្នាក់ ដកហូតគ្រឿង៤ថង់ធំតូច នៅស្រុកឯកភ្នំ
ខេត្តបាត់ដំបង៖ នគរបាលស្រុកឯកភ្នំ បានចុះប្រតិបត្តិការបង្ក្រាបករណីគ្រឿងញៀន ដោយឃាត់ខ្លួនជនសង្ស័យម្នាក់ រឹបអូសថ្នាំញៀន៤ថង់ធំតូច កាលពីវេលាម៉ោង៣ទៀបភ្លឺ ថ្ងៃទី០៤ ខែមិថុនា ឆ្នាំ២០២០ នៅចំណុចភូមិពាមឯក ឃុំពាមឯក ស្រុកឯកភ្នំ ខេត្តបាត់ដំបង។
ជនសង្ស័យឈ្មោះ ប្រាក់ ពន្លឺ ភេទប្រុស អាយុ២៦ឆ្នាំ មានទីលំនៅភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង។ ចំណែកវត្ថុតាងដកហូតបាន ម៉ាទឹកកកICEចំនួន ៤ថង់ ទម្ងន់ ១៧០,៤៣ក្រាម (ទាំងសំបក), ម៉ូតូចំនួន ១គ្រឿង, ទូរស័ព្ទដៃ ១គ្រឿង(ចាស់), ជញ្ជីងសម្រាប់ថ្លឹងថ្នាំញៀនលក់ចំនួន១ និងថង់សម្រាប់ច្រកថ្នាំញៀនលក់មួយចំនួន។
បច្ចុប្បន្នជនសង្ស័យ ត្រូវបានកម្លាំងជំនាញរៀបចំសំណុំរឿងបញ្ជូនទៅតុលាការខេត្តបាត់ដំបង ដើម្បីអនុវត្តបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។