ឆ្លងចរន្តអគ្គិសនី ឆេះផ្ទះ១ខ្នងទាំងព្រឹក នៅស្រុកសំរោងទង
ខេត្តកំពង់ស្ពឺ៖ ផ្ទះពលរដ្ឋ១ខ្នង ត្រូវបានភ្លើងឆេះអស់ស្ទើរទាំងស្រុង នៅវេលាម៉ោងជាង៦ព្រឹក ថ្ងៃទី0៩ ខែមិថុនា ឆ្នាំ២០២០នេះ នៅចំណុចភូមិវល្លិសរ ឃុំវល្លិសរ ស្រុកសំរោងទង ខេត្តកំពង់ស្ពឺ។
បើតាមនគរបាលខេត្តកំពង់ស្ពឺ បានឲ្យដឹងថា ម្ចាស់ផ្ទះរងគ្រោះ ឈ្មោះ ទូច គីម ភេទប្រុស អាយុ៧៨ឆ្នាំ ប្រពន្ធឈ្មោះ ញ៉ក់ ស៊ីវន អាយុ៧២ឆ្នាំ។ ផ្ទះដែលត្រូវភ្លើងឆេះ ជាប្រភេទផ្ទះខ្ពស់ឈើលើថ្មក្រោម ទំហំ១២x៨ ម៉ែត្រ៣ខ្នង ដំបូលប្រក់ក្បឿង។
ចំពោះសម្ភារដែលខូចខាត មានដូចជា៖ គ្រែ៥គ្រែប្រអប់៣ ទូឈើ៦ទូកញ្ចក់១ ទូទឹកកក១ ទូរទស្សន៍៣ ស្រូវ៤បាវ អង្ក២០០គីឡូ កង្ហា១១ សម្ភារប្រើប្រាស់ក្នុងផ្ទះ និងផ្ទះបាយមួយចំនួនធំទៀតទាំងស្រុង។ ការឆាបឆេះនេះ គឺមូលហេតុ ឆ្លងចរន្តអគ្គិសនី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។