ឃាត់ខ្លួន២នាក់ ដកហូតថ្នាំញៀន១៥កញ្ចប់ នៅស្រុកព្រែកប្រសព្វ
ខេត្តក្រចេះ៖ កម្លាំងនគរបាលស្រុកព្រែកប្រសព្វ បានចុះបង្ក្រាបករណីជួញដូរគ្រឿងញៀន កាលពីវេលាម៉ោង៤ និង៣០នាទីរសៀល ថ្ងៃទី១១ ខែមិថុនា ឆ្នាំ២០២០ នៅចំណុចមាត់ទន្លេ ភូមិចំបក់១ ឃុំចំបក់ ស្រុកព្រែកប្រសព្វ ខេត្តក្រចេះ ឃាត់ខ្លួនសង្ស័យ២នាក់ ដកហូតថ្នាំញៀន១៥កញ្ចប់។
ជនសង្ស័យទាំង២នាក់នោះ ឈ្មោះ វ៉ន វាសនា ភេទប្រុស អាយុ២៥ឆ្នាំ រស់នៅភូមិឬស្សីកែវ ឃុំឫស្សីកែវ ស្រុកព្រែកប្រសព្វ និងឈ្មោះ ហាក់ វីរ៉ក ភេទប្រុស អាយុ ២១ឆ្នាំ រស់នៅភូមិឬស្សីកែវ ឃុំឬស្សីកែវ ស្រុកព្រែកប្រសព្វ។ ចំណែកវត្ថុតាងដកហូតបាន រួមមាន៖ ម្ស៉ៅក្រាមពណ៌ចំនួន១៥កញ្ចាប់ (ធំ៤កញ្ចប់ និងតូច១១កញ្ចប់) និងម៉ូតូវ៉េវ០១គ្រឿង។
បច្ចុប្បន្នជនសង្ស័យ កំពុងឃាត់ខ្លួនបណ្តោះអាសន្ននៅអធិការដ្ឋានស្រុកព្រែកប្រសព្វ ដើម្បីកសាងសំណុំរឿងអនុវត្តបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។