ដកហូតគ្រឿងញៀនជិត ១គីឡូក្រាម ឃាត់ខ្លួនមនុស្ស៣នាក់ នៅក្រុងក្រចេះ
ខេត្តក្រចេះ ៖ កាលពីរសៀលថ្ងៃទី១២ ខែកក្កដា ម្សិលមិញ កម្លាំងនគរបាលក្រុងក្រចេះ បានចុះបង្ក្រាបករណីជួញដូរគ្រឿងញៀន ស្ថិតនៅ ភូមិព្រែកតាថឹង ឃុំបុសលាវ ស្រុកចិត្របុរី ដោយឃាត់ខ្លួនជនសង្ស័យចំនួន ៣នាក់។
នគរបាលក្រុងក្រចេះ បានអោយដឹងថា ជនសង្ស័យទាំង៣នាក់នោះ ទី១.ឈ្មោះ ឈាវ ស៊ីនា អាយុ២៦ឆ្នាំ, ទី២.ឈ្មោះ ហ៊ួន ប៊ុនធិ អាយុ១៨ឆ្នាំ, ទាំង២នេះ នៅភូមិព្រែកតាថឹង ឃុំបុសលាវ ស្រុកចិត្របុរី ខេត្តក្រចេះ និងទី៣.ឈ្មោះ ម៉ាន វ៉ា អាយុ៣២ឆ្នាំ នៅភូមិពង្រ ឃុំពង្រ ស្រុកឆ្លូង ខេត្តក្រចេះ ។
ចំណែកវត្ថុតាមដកហូតបាន៖ ម្ស៉ៅក្រាមពណ៌សចំនួន ១១កញ្ចប់ (ធំ៩កញ្ចប់,តូច២កញ្ចប់) ជិត១គីឡូក្រាម, ថ្នាំគ្រាប់ចំនួន ១៦៩គ្រាប់ និងឧបករណ៍បម្រើឲ្យគ្រឿងញៀនមួយចំនួន។
បច្ចុប្បន្នជនសង្ស័យ៣នាក់ ត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលក្រុងក្រចេះ ដើម្បីកសាងសំណុំរឿងតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។