សត្វព្វាំង ជាក្រុមបក្សីរស់នៅតំបន់ព្រៃ ពិសេសនៅតំបន់ជួរភ្នំបូកគោ
ព្វាំង Wreathed Hornbill ជាប្រភេទក្រុមបក្សីដែលរស់នៅតំបន់ព្រៃ មានវត្តមានពេញមួយឆ្នាំ ភាគច្រើននៅតំបន់ជួរភ្នំបូកគោ។ បក្សីព្វាំង មានទំហំពី ១០០,៥-១១៥សង់ទីម៉ែត្រ ហើយបក្សីឈ្មោល គេអាចសម្គាល់ ចំហៀងបន្ទូលក្បាល កនិងទ្រូងពណ៌សស្រអាប់ កន្ទុយពណ៌ស មានឆ្នូតខ្មៅនៅថង់បំពង់ក និងស្បែកជុំវិញភ្នែកពណ៌ក្រហម។ ចំណែកឯបក្សីញីវិញ មានថង់ពណ៌ខៀវ ក្បាលខ្មៅ បំពង់ក និងទ្រូងពណ៌ខ្មៅ។
បក្សីប្រភេទនេះរស់នៅតាមព្រៃស្រោង ព្រៃរបោះចម្រុះ និងព្រៃតំបន់ឆ្នេរ ហើយរស់នៅ និងធ្វើសំបុកនៅក្នុងរន្ធឈើធំៗច្រើននៅជាហ្វូង។ ការបន្តពូជបក្សីព្វាំង គឺចាប់ពីខែកុម្ភៈ រហូតដល់ខែសីហា ហើយពងចំនួនពី១ ទៅ ៣គ្រាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។