និស្សិតស្រីឆ្នាំទី៣ម្នាក់ អនុវត្តជោគជ័យការចិញ្ចឹម និងបង្កាត់ភ្ញាស់កង្កែប
ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានកោតសរសើរ និងវាយតម្លៃខ្ពស់ ចំពោះកញ្ញា កន សុខណុច ដែលជានិស្សិតកំពុងសិក្សាថ្នាក់បរិញ្ញាបត្រឆ្នាំទី៣ ជំនាញវិទ្យាសាស្ត្រជលផល នៃវិទ្យាស្ថានជាតិកសិកម្ម កំពង់ចាម។
ឯកឧត្តម បានបញ្ជាក់ថា ស្របក្នុងស្ថានភាពនៃការរីករាលដាលជំងឺកូវីដ១៩ ដែលរាជរដ្ឋាភិបាល បានប្រកាសឲ្យគ្រឹស្ថានសិក្សានៅទូទាំងប្រទេសកម្ពុជា ផ្អាកជាបណ្ដោះអាសន្ន កញ្ញា កន សុខណុច មិនទុកពេលវេលាឲ្យទំនេរចោលនោះទេ គឺនាងបានយកនូវចំណេះ និងជំនាញរបស់នាង ដែលបានសិក្សាកន្លងមក យកទៅអនុវត្តន៍ក្នុងការចិញ្ចឹម និងបង្កាត់ភ្ញាស់កង្កែបប្រកបដោយភាពជោគជ័យ។
ក្នុងពេលអនាគតដ៏ខ្លីខាងមុខ ឯកឧត្តម មានក្តីសង្ឃឹមថា ការចិញ្ចឹមរបស់ក្មួយនឹងក្លាយទៅជាកសិដ្ឋានបង្កាត់ និងភ្ញាស់កូនកង្កែប អាចចែកចាយកូនកង្កែប និងចំណេះដឹង ជូនដល់កសិករយកទៅចិញ្ចឹម ដើម្បីបង្កើនប្រាក់ចំណូលក្នុងគ្រួសារ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។