គិតត្រឹមចុងខែកក្កដានេះ កម្ពុជា សម្រេចបានការបង្កបង្កើនផលស្រូវរដូវវស្សា ជាង២លានហិកតា
ភ្នំពេញ៖ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា គិតត្រឹមថ្ងៃទី២៧ ខែកក្កដា ឆ្នាំ២០២០ ទូទាំងប្រទេសកម្ពុជា ការបង្កបង្កើនផលស្រូវរដូវវស្សា សម្រេចបាន២,២០៣,៨៦៩លានហិកតា ស្មើ៨៥.១៥ភាគរយ។
ឯកឧត្តម វេង សាខុន បានបន្តថា ការងារបង្កបង្កើនផលស្រូវរដូវវស្សា នៅទូទាំងប្រទេស មានស្រូវស្រាលចំនួន ៦៦៣,១៥២ហិកតា, ស្រូវកណ្តាលចំនួន ១,១០៩,៩២៤ហិកតា ស្រូវធ្ងន់ចំនួន៣៧៩,៥៨០ហិកតា, ស្រូវចម្ការចំនួន១៨,០៥៩ហិកតា ស្រូវឡើងទឹកចំនួន ៣៣,១៥៤ហិកតា។
ដោយឡែកសម្រាប់ដំណាំឧស្សាហកម្មវិញ ការបង្កបង្កើនផលសម្រេច បាន ៧២៣,៨៣៩ហិកតា ស្មើនឹងផែនការ ៨៧៥,២០០ហិកតា ក្នុងនោះ រួមមាន៖
* ពោតក្រហម ៨៧,២១៧ ហិកតា
* ដំឡូងមីចំនួន ៥៨៣,៤៦៤ ហិកតា
* សណ្តែកបាយចំនួន ១៦,៧៩២ ហិកតា
* សណ្តែកដីចំនួន ៤,៥៥៣ ហិកតា
* សណ្តែកសៀងចំនួន ៨,៧៦២ហិកតា
* និងអំពៅចំនួន១១,២៦៥ហិកតា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។