ប្រតិភូគណៈកម្មការផែនការវិនិយោគ នៃរដ្ឋសភា ជួបពិភាក្សាស្វែងយល់ពីការអនុវត្តកាងារជាមួយថ្នាក់ដឹកនាំខេត្តព្រះវិហារ
ព្រះវិហារ៖ កាលពីថ្ងៃទី២៨ ខែកក្កដា ឆ្នាំ២០២០ រដ្ឋបាលខេត្តព្រះវិហារ ទទួលជួបគណៈកម្មការផែនការវិនិយោគ កសិកម្ម អភិវឌ្ឍជនបទ បរិស្ថាន ធនធានទឹកនៃរដ្ឋសភា ដឹកនាំដោយលោក ឡូយ សុផាត ប្រធានគណៈកម្មការទី៣នៃរដ្ឋសភា ដោយរដ្ឋបាលខេត្តព្រះវិហារដឹកនាំដោយលោក ប្រាក់ សុវណ្ណ អភិបាលខេត្តព្រះវិហារ លោក ឡុង សុវណ្ណ ប្រធានក្រុមប្រឹក្សាខេត្តព្រះវិហារ និងមានការចូលរួមពីអភិបាលរង នាយករដ្ឋបាលសាលាខេត្ត ប្រធានមន្ទីរ អង្គភាពពាក់ព័ន្ធ នៅសាលប្រជុំសាលាខេត្តព្រះវិហារ។
កិច្ចជំនួបពិភាក្សាផ្តោតលើការសិក្សាស្វែងយល់អំពីសមិទ្ធផល ការរីកចម្រើន និងបញ្ហាប្រឈមនានារបស់ខេត្តព្រះវិហារដែលពាក់ព័ន្ធនឹងសមត្ថកិច្ចរបស់គណៈកម្មការទី៣ព្រមទាំងស្វែងយល់ពីស្ថានភាពនៃផលប៉ះពាល់បណ្តាលមកពិជំងឺកូវីដ-១៩ និងផ្តល់ប័ណ្ណសមធម៌ជូនប្រជាជន។
ក្រៅពីបានរាយការណ៍ពីសមិទ្ធផល វឌ្ឍនភាពការងារនៃវិស័យពាក់របស់រដ្ឋបាលខេត្តជូនគណៈប្រតិភូ លោក ប្រាក់ សុវណ្ណ បានរំលេចការងារគ្រប់គងនិងការត្រៀមបង្កាការរីករាលដាលជំងឺកូវីដ-១៩ ដែលពិភពលោក ក៏ដូចកម្ពុជាកំពុងប្រឈមយ៉ាងខ្លាំងរដ្ឋបាលខេត្តដែលមន្ទីរសុខាភិបាល និងអង្គភាពពាក់ព័ន្ធ បានសហការយ៉ាងជិតស្និត តាមរយះការរឹតបន្តឹងការត្រួតពិនិត្យចំណាក់ ចំណូលស្រុក ជាពិសេសពលករដែលចេញចូលតាមច្រកទ្វាព្រំដែន បានរៀបចំនូវទីតាំងមណ្ឌលចត្តាឡីស័កនៅតាមក្រុងស្រុកទាំង៨ ការដាក់គ្រូពេទ្យប្រចាំការនៅតាមមណ្ឌលនីមួយៗជាដើម។
ជាចុងក្រោយ ប្រតិភូគណៈកម្មការទី៣ បានផ្តល់នូវអនុសាសន៍ និងណែនាំជាច្រើន លើការងារអនុវត្តរបស់រដ្ឋបាលខេត្ត គឺដើម្បីយកទៅអនុវត្តបន្តលើវិស័យពាក់ព័ន្ធដែលមាន បន្តខិតខំទាក់ទាញអ្នកវិនិយោគលើផលិតផលកសិកម្ម ការចិញ្ចឹមសត្វ ការស្វែងរកនូវការសក្តានុពលរបស់ដែលមានសម្រាប់ច្នៃជាផលិតផលសម្រេចនៅតាមសហគមន៍របស់ខ្លួន ការបន្តខិតខំពង្រឹងប្រព័ន្ធធារាសាស្ត្រដែលបម្រើដល់សេចក្តីត្រូវការរបស់ប្រជាពលរដ្ឋលើវិស័យកសិកម្ម ក្នុងមូលដ្ឋានរបស់ខ្លួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។