លោក សាន់ វិសាល ចាប់ផ្តើមហ៊ានបណ្តើរភរិយាហើយ
នេះជាលើកទីមួយដែលគេឃើញតារាសម្តែងនិងពិធីករលោក សាន់ វិសាល ហ៊ានបណ្តើរភរិយាចូលរួមនៅក្នុងកម្មវិធីរបស់មិត្តភក្តិ ។ ក្នុងនោះក៏មានការសរសើរថាភរិយារបស់លោក សាន់ វិសាល នៅតែស្រស់ស្អាតទោះជាអ្នកនាងមានកូនក៏ដោយ ។
គេចាំបានថាក្រោយពីស្ងប់ស្ងាត់រឿងអាស្រូវស្នេហាមួយរយៈពេលនេះ លោក សាន់ វិសាល ហ៊ានបណ្តើរភរិយាជាសាធារណៈ ។ ជាក់ស្តែងលោក បានបណ្តើរភរិយារូបស្រស់ចូលរួមនៅក្នុងពិធីរៀបមង្គលការ បងស្រីរបស់ពិធីការិនី កែវ ចាន់និមល កាលពីថ្ងៃទី ២២ យប់មិញនេះ ។ ក្នុងនោះក៏មានការសរសើរពីសម្រស់របស់ភរិយាលោក សាន់ វិសាល ផងដែរ ។ មានការលើកឡើងពីសំណាក់មិត្តភក្តិថានេះជាលើកដំបូងដែលគេឃើញ សាន់ វិសាល បណ្តើរភរិយាចូលរួមក្នុងកម្មវីធី បែបនេះ ។
អ្វីដែលកត់សម្គាល់ ភរិយារបស់លោក សាន់ វិសាល នៅតែមានសម្រស់ស្រស់ស្អាតទោះអ្នកនាងមានកូនមួយក៏ដោយ ។ អ្នកនាងក៏ជាអ្នកសិល្បៈមួយរូបដែលបានចូលរួមសម្តែងរឿងមួយចំនួនក្នុងតំណែងជាតួឯកផងដែរ ។ ប៉ុន្តែក្រោយពីមានកូននាងមិនសូវមានការងារសិល្បៈថ្មីៗ ឡើយ ។ លោក សាន់ វិសាល ធ្លាប់ជាតារាសម្តែងដែលមានប្រជាប្រិយភាពគួរសម តែក្រោយមកលោកក៏បានហក់ចូលក្នុងអាជីពជាពិធីករ ម្តងវិញដែលពេលនេះកំពុងទទួល បានការគាំទ្រពីសំណាក់មហាជនគួរសម ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។