វៀតណាម អាចនឹងឆ្លងជាង ៨ម៉ឺននាក់ បើការចម្លងក្នុងសហគមបន្តកើនឡើង
វៀតណាម៖ ក្រសួងសុខាភិបាលវៀតណាមបានប្រកាសនៅថ្ងៃព្រហស្បតិ៍នេះថា មានការរកឃើញចម្លងកូវីដ១៩ក្នុងសហគមថ្មីៗ ចំនួន៩ករណីទៀត សុទ្ធតែមានទំនាក់ទំនងជាមួយនឹងក្រុងដាណាង នាំឲ្យចំនួនអ្នកឆ្លងសរុបក្នុងរលកទី២នេះកើនដល់៤២ករណី ចាប់តាំងពីចុងសប្តាហ៍មក ហើយសរុបទាំងអស់ វៀតណាមមាន៤៥៩ករណី ប៉ុន្តែពុំទាន់មានមនុស្សស្លាប់ទេ។
ប្រភពបន្តថា ចំនួនមនុស្សច្រើនជាង៨១០០០នាក់ក្នុងប្រទេសវៀតណាមត្រូវបានសង្ស័យថា អាចឆ្លង ខណៈដែលពួកគេត្រូវបានយកទៅដាក់ឲ្យនៅដាច់ដោយឡែក ពោលគឺចំនួនអ្នកធ្វើត្តាឡីស័ក គិតត្រឹមថ្ងៃចន្ទ ដើមសប្តាហ៍នេះ មានត្រឹម១២០០០នាក់ប៉ុណ្ណោះ។
ក្នុងចំណោម៩ករណីថ្មី មាន៨នាក់មកពីក្រុងដាណាង ខណៈដែលម្នាក់ទៀតមកពីក្រុងហាណូយ។ ក្រសួងសុខាភិបាលថា រលកទី២នៃជំងឺកូវីដ១៩នៅវៀតណាមបាននិងកំពុងកើតមាននៅក្រុងនិងខេត្តចំនួន៦ ក្នុងរយៈពេល៦ថ្ងៃមកនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។