រន្ទះបាញ់ សម្លាប់បុរសម្នាក់ ខណៈកំពុងមើលស្រូវនៅវាលស្រែ
បន្ទាយមានជ័យ៖ យ៉ាងហោចណាស់ បុរសម្នាក់ បានស្លាប់យ៉ាងអាណោចអាធម៍ ដោយសាររន្ទះបាញ់ ខណៈកំពុងមើលស្រូវនៅវាលស្រែ កាលពីល្ងាច ថ្ងៃទី២៩ ខែកក្កដា ឆ្នាំ២០២០ ក្នុងភូមិពោធិ៍រាំបុណ្យ ឃុំពន្លៃ ស្រុកភ្នំស្រុក ខេត្តបន្ទាយមានជ័យ។
ជនរងគ្រោះឈ្មោះ ជិន ឡាសី ភេទប្រុស អាយុ៤១ឆ្នាំ រស់នៅភូមិប៉ោយចារ ឃុំប៉ោយចារ ស្រុកភ្នំស្រក ខេត្តបន្ទាយមានជ័យ។ មុនពេលកើតហេតុ ជនរងគ្រោះបានទៅមើលស្រូវនៅវាលស្រែ គ្រានោះមេឃធ្លាក់ភ្លៀងលាយឡំជាមួយផ្គររន្ទះ ក៏ត្រូវរន្ទះបាញ់ស្លាប់ភ្លាមៗតែម្តង។
ក្រោយពេលកើតហេតុ នគរបាលមូលដ្ឋាន បានចុះពិនិត្យ ដោយបញ្ជាក់ថា ជនរងគ្រោះ ពិតជាស្លាប់ដោយសាររន្ទះបាញ់ពិតប្រាកដមែន និងបានប្រគល់សពជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។