សត្វចង្កៀលខ្យងប្រមាណ ៤០០០ក្បាល កំពុងរស់នៅ និងរកចំណីចិញ្ចឹមជីវិត នៅតំបន់បឹងស្នេហ៍ នៃខេត្តព្រៃវែង
ខេត្តព្រៃវែង៖ កាលពីថ្ងៃទី០៣ ខែសីហា ឆ្នាំ២០២០ លោកជំទាវ ព្រំ សុភី អនុរដ្ឋលេខាធិការក្រសួងបរិស្ថាន បានដឹកនាំក្រុមការងារបច្ចេកទេសនាយកដ្ឋានអភិរក្សតំបន់ដីសើមទឹកសាបនៃអគ្គនាយកដ្ឋានរដ្ឋបាលការពារ និងអភិរក្សធម្មជាតិ បានចុះកំណត់អត្តសញ្ញាណប្រជាពលរដ្ឋ ដែលបានចូលរួមការពារសត្វស្លាប ស្ថិតនៅទួលស្វាយដូន ភូមិទ្រា ឃុំកញ្ចំ ស្រុកពារាំង ខេត្តព្រៃវែង។
ការចុះសិក្សានេះរៀបចំឡើងដោយមានការចូលរួមពីមន្ត្រីមន្ទីរបរិស្ថានខេត្តព្រៃវែង និងលោកមេឃុំកញ្ចាំ និងប្រជាសហគមន៍មួយចំនួនផងដែរ។ លោក កុក រុន និង លោក ស៊ុម ស៊ីម បានកំពុងស្នាក់នៅប្រកបរបរធ្វើស្រែ និងចិញ្ចឹមទាផ្ទាល់ក្នុងទីតាំងខាងលើ បានចូលរួមអភិរក្សសត្វស្លាបលើទីតាំងជាក់ស្តែង។
ក្រុមការងារបានបញ្ជាក់ថា មានវត្តមានប្រភេទសត្វស្លាប សត្វចង្កៀលខ្យងប្រមាណ៤០០០ក្បាល បានកំពុងរស់នៅ និងរកចំណីចិញ្ចឹមជីវិតនៅទីនោះ។ បន្ទាប់មកក្រុមការងារ បានបន្តដំណើរទៅកាន់ទីកន្លែងសំបុកបន្តពូជ និងពងកូនរបស់ប្រភេទសត្វស្លាបទឹកសំខាន់ៗ នៅទីតាំងតំបន់បឹងស្នេហ៍(ទួលព័ន្ធតាឡី)នៅឃុំធាយ ស្រុកបាភ្នំ ខេត្តព្រៃវែងផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។