ឃាត់ខ្លួនអ្នករត់កង់ម្នាក់ ដកហូតគ្រឿងញៀន ៥ថង់ធំ នៅខណ្ឌសែនសុខ
ភ្នំពេញ៖ កម្លាំងនគរបាលជំនាញ បានឃាត់ខ្លួនជនសង្ស័យម្នាក់ ករណីជួញដូរគ្រឿងញៀន កាលពីល្ងាចថ្ងៃទី០៥ ខែសីហា ឆ្នាំ២០២០ នៅចំណុចផ្លូវបេតុង ភូមិអន្លង់ក្ងាន សង្កាត់ឃ្មួញ ខណ្ឌសែនសុខ។
បើតាមមន្ត្រីនគរបាលខណ្ឌសែនសុខ បានឲ្យដឹងថា ជនសង្ស័យឈ្មោះ យន់ បូណា ភេទប្រុស អាយុ២៩ឆ្នាំ ជនជាតិខ្មែរ មុខរបររត់ម៉ូតូកង់បី ស្នាក់នៅន្ទប់ជួល សង្កាត់ទួលសង្កែ ខណ្ឌសឬស្សីកែវ។ ចំណែកវត្ថុតាងដកហូតបាន ម្សៅក្រាមសថ្លាចំនួន ៥កូនថង់ធំ, ទូរសព្ទដៃ១គ្រឿង និងម៉ូតូកង់បីឥណ្ឌា១គ្រឿង។
បច្ចុប្បន្នជនសង្ស័យ ត្រូវបានកម្លាំងជំនាញ ឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។