ទំនាស់ពាក្យសម្តី ក្មួយថ្លៃទាញកាប់ក្បាលពូ ៣ពូថៅ រងរបួសធ្ងន់ផុងលលាដ៍
ប៉ៃលិន៖ ដោយសារទំនាស់ពាក្យសម្តី បង្កជាអំពើហិង្សាដោយប្រើយកពូថៅកាប់ចំក្បាលចំនួន ៣ពូថៅ បណ្តាលឱ្យបុរសម្នាក់ រងរបួសធ្ងន់ កាលពីយប់ ថ្ងៃទី០៦ ខែសីហា ឆ្នាំ២០២០ នៅចំណុចភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន។
ជនរងគ្រោះឈ្មោះ ពក ពឿន ភេទប្រុស អាយុ៦៥ឆ្នាំ មុខរបរកម្មករ ទីលំនៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន របួសធ្ងន់ផុងលលាក្បាល។ រីឯជនបង្កឈ្មោះ ពៅ ភេទប្រុស អាយុ៣៥ឆ្នាំ (ជាក្មួយសាច់ថ្លៃ) ទីលំនៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ក្រោយពេលកើតហេតុ ជនរងគ្រោះ ត្រូវបានបញ្ជូនទៅសង្គ្រោះបន្ទាន់នៅខេត្តបាត់ដំបង។ ចំណែកជនសង្ស័យ រត់គេចខ្លួនបាត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។