អភិបាលខេត្តឧត្ដរមានជ័យ ចុះសួរសុខទុក្ខបងប្អូនអាជីវករ នៅផ្សារសំរោង
ខេត្តឧត្ដរមានជ័យ៖ ដើម្បីឲ្យដឹងច្បាស់អំពីសុខទុក្ខ និងការប្រកបរបររកស៊ី លក់ដូរប្រចាំថ្ងៃ ក៏ដូចជាបញ្ហាប្រឈមផ្សេងៗរបស់បងប្អូនអាជីវករយើង កាលពីថ្ងៃទី១០ ខែសីហា ឆ្នាំ២០២០ ឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្ដរមានជ័យ និងក្រុមការងារ អញ្ជើញចុះជួបសំណេះសំណាល សាកសួរសុខទុក្ខ និងពិនិត្យមើលស្ថានភាពលក់ដូររបស់បងប្អូនអាជីវករ នៅផ្សារសំរោង ក្នុងក្រុងសំរោង។
ទាំងបងប្អូនអាជីវករ និងប្រជាពលរដ្ឋដែលមកទិញទំនិញនៅផ្សារ បានសម្តែងនូវការសាទរចំពោះឯកឧត្តមអភិបាលខេត្ត ដែលបានគិតគូរពីសុខទុក្ខ និងការលំបាករបស់បងប្អូនអាជីវករក្នុងផ្សារ។
សូមជម្រាបថា ដោយមើលឃើញពីការលំបាករបស់បងប្អូនអាជីវករទាំងពីរផ្សារ ដោយនៅរដូវវស្សាទឹកលិច ឯកឧត្តមអភិបាលខេត្ត បានអនុញ្ញាតឲ្យមន្ត្រីជំនាញសិក្សា និងរៀបចំប្រព័ន្ធលូនៅក្នុងផ្សាឡើងវិញ ដើម្បីកែលំអរបរិយាកាសនៃការលក់ដូរ ដោយផ្តល់នូវផាសុខភាព ទាំងអាជីវករ និងបងប្អូនប្រជាពលរដ្ឋ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។