ចាប់ខ្លួនស្ត្រីម្នាក់ ដកហូតគ្រឿងញៀនជិត ១០កញ្ចប់ ក្រុងសៀមរាប
ខេត្តសៀមរាប៖ សមត្ថកិច្ចខេត្តសៀមរាប បានឃាត់ខ្លួនស្ត្រីម្នាក់ ករណីជួញដូរ និងប្រើប្រាស់គ្រឿងញៀន កាលពីថ្ងៃទី១២ ខែសីហា ឆ្នាំ២០២០ ម្សិលមិញ នៅចំណុចបន្ទប់ជួលមួយកន្លែង ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប។
ជនសង្ស័យឈ្មោះ តាំង ជែនី ភេទស្រី អាយុ២៧ឆ្នាំ ជនជាតិខ្មែរ ទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប។ ចំណែកវត្ថុតាងដកហូតបាន ម្សៅមេតំហ្វេតាមីនចំនួន ៩កញ្ចប់ សំភារវេចខ្ចប់គ្រឿងញៀនមួយចំនួន និងទូរស័ព្ទដៃចំនួន ២គ្រឿង។
បច្ចុប្បន្ន ជនសង្ស័យ ត្រូវបានការិយាល័យជំនាញបញ្ជូនទៅសាលាដំបូងខេត្តសៀមរាប ដើម្បីអនុវត្តបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។