ជំងឺតេតានុស ធ្វើឲ្យស្ត្រីមានផ្ទៃពោះ៧ខែម្នាក់ ប្រកាច់ដួលស្លាប់ នៅមុខបន្ទប់ទឹក
ខេត្តកោះកុង៖ កាលពីវេលាម៉ោងជិត៧យប់ ថ្ងៃទី១៩ ខែសីហា ឆ្នាំ២០២០ ម្សិលមិញ ស្ត្រីម្នាក់ មានផ្ទៃពោះ៧ខែ ត្រូវគេប្រទះឃើញដេកស្លាប់ នៅមុខបន្ទប់ទឹក នៅចំនុចភូមិ៤ សង្កាត់ដងទង់ ក្រុងខេមរភូមិន្ទ។
សមត្ថកិច្ចបានឲ្យដឹងថា សពរងគ្រោះឈ្មោះ ធិន លីកា ភេទស្រី អាយុ៣៥ឆ្នាំ មុខរបរកម្មកររោងចក្រ រស់នៅកន្លែងកើតហេតុខាងលើ មានផ្ទៃពោះ៧ខែជាង។
ករណីនេះ សមត្ថកិច្ចបញ្ជាក់ថា សភាពសពដេកផ្កាប់មុខ ទៅលើទ្វារបន្ទប់ទឹក ធ្វើឱ្យដាច់អណ្ដាត និងមានស្នាមត្រង់ក សន្និដ្ឋានថា ជនរងគ្រោះគឺជំងឺប្រចាំកាយរើឡើង (ជំងឺតេតានុស ប្រកាច់ញឹកញាប់)។
ក្រោយធ្វើកោសល្យវិច្ច័យរួច សពបានប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។