សមត្ថកិច្ចដកហូតគ្រឿងញៀន ១១កញ្ចប់ និងឃាត់ខ្លួន ៥នាក់ នៅក្រុងកំពង់ចាម
កំពង់ចាម៖ កាលពីថ្ងៃទី២០ ខែសីហា ឆ្នាំ២០២០ នគរបាលខេត្តកំពង់ចាម បានបង្ក្រាបករណីជួញដូរ និងប្រើប្រាស់គ្រឿងញៀន នៅក្រុងកំពង់ចាម ដោយឃាត់ខ្លួនជនសង្ស័យចំនួន ៥នាក់។
នគរបាលជំនាញ បានឲ្យដឹងថា ជនសង្ស័យទាំង៥នាក់នោះ មានឈ្មោះ ទ្រី ធារិទ្ធ ភេទប្រុស អាយុ៣៧ឆ្នាំ, ឈ្មោះ ឈាង ប៊ុននី ភេទប្រុស អាយុ២៩ឆ្នាំ, ឈ្មោះ ស្រី សារ៉ាយ ភេទប្រុស អាយុ៣៧ឆ្នាំ, ឈ្មោះយ៉េន គឹមហួច ភេទប្រុស អាយុ២៨ឆ្នាំ និងឈ្មោះ ណន ដារ៉េត ភេទប្រុស អាយុ២៥ឆ្នាំ, ទាំង៥នាក់ រស់នៅក្រុងកំពង់ចាម។ ចំណែកវត្ថុតាងដកហូតបាន ម្សៅក្រាមពណ៌សចំនួន ១១កញ្ចប់ ទូរស័ព្ទដៃចំនួន ៦គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ច កសាងសំណុំរឿងដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។