ឃាត់ខ្លួនជនជាតិចិន ១២នាក់ ប្រុងលួចឆ្លងដែនចូលប្រទេសឡាវ
ព្រះវិហារ៖ ជនជាតិចិនចំនួន ១២នាក់ និងជនជាតិខ្មែរម្នាក់ ត្រូវបានកម្លាំងនគរបាលខេត្តព្រះវិហារ ឃាត់ខ្លួនបានកាលពីទី២៤ សីហា កន្លងទៅនេះ នៅចំណុចភូមិកំពង់ស្រឡៅ ឃុំកំពង់ស្រឡៅមួយ ស្រុកឆែប ខេត្តព្រះវិហារ ពាក់ព័ន្ធករណីលួចឆ្លងដែនដោយខុសច្បាប់ចូលទៅប្រទេសឡាវ។
នគរបាលខេត្តព្រះវិហារ បានបញ្ជាក់ថា ជនជាតិចិនចំនួន ១២នាក់នោះ មានស្រី២នាក់ និងជនជាតិខ្មែរម្នាក់ ដែលជាបើកតាក់ស៊ី ត្រូវបានឃាត់ខ្លួន នៅចំណុចភូមិកំពង់ស្រឡៅ ឃុំកំពង់ស្រឡៅមួយ ស្រុកឆែប ខេត្តព្រះវិហារ ដែលពួកគេប្រុងលួចឆ្លងដែនដោយខុសច្បាប់ ចេញពីកម្ពុជា ទៅប្រទេសចិន ដោយឆ្លងកាត់ប្រទេសឡាវ។
បច្ចុប្បន្នជនជាតិចិនទាំង១២នាក់ និងបុរសជនជាតិខ្មែរម្នាក់ ត្រូវបានបញ្ជូនទៅធ្វើចត្តាឡីស័ក រយៈពេល១៤ថ្ងៃ នៅមណ្ឌលចត្តាឡីស័ក ខេត្តព្រះវិហារផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។