អភិបាលខេត្តកំពង់ចាម ជំរុញដល់អាជ្ញាធរ រៀបចំសណ្ដាប់ធ្នាប់ឲ្យបានល្អ ក្នុងដែនសមត្ថកិច្ចរបស់ខ្លួន
ខេត្តកំពង់ចាម៖ លោក អ៊ុន ចាន់ដា អភិបាលខេត្តកំពង់ចាម បានលើកឡើងថា ប្រសិនបើអាជ្ញាធរ និងកម្លាំងមាន សមត្ថកិច្ច នៅតែបណ្ដែតបណ្ដោយ មិនចុះធ្វើការរៀបចំសណ្ដាប់ធ្នាប់នៅតាមទីប្រជុំជនជននានាក្នុងដែនសមត្ថកិច្ចរបស់ខ្លួន រហូតបណ្ដាលឲ្យមានការកកស្ទះ និងបង្ករឲ្យមានភាពអនាធិបតេយ្យកើតឡើង នោះគឺជាកំហុសមួយយ៉ាងធ្ងន់ធ្ងរ។
លោក បានលើកឡើងក្នុងកិច្ចប្រជុំពិសេសមួយនៅសាលាឃុំបាធាយ នាព្រឹកថ្ងៃទី៣០ ខែសីហា ឆ្នាំ២០២០ ក្រោយពិធីប័ង្សុកូល ឧន្ទិសកុសលជូនចំពោះវិញ្ញាណខន្ធ មហាឧបាសក គង់ ខាត់ ដែលត្រូវជាឪពុកក្មេកលោក សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា។
ក្នុងដំណើរអញ្ជើញ ចុះពិនិត្យលទ្ធផលការងារខាងលើ ក៏បានការចូលពីសំណាក់លោក ខ្លូត ផន ប្រធានក្រុម ប្រឹក្សាខេត្ត រួមនិងក្រុមការងារ អាជ្ញាធរមូលដ្ឋាន និងសមត្ថកិច្ចជំនាញ ដោយអភិបាលខេត្តលោក បានប្រជុំដាក់ផែនការបន្ត ពាក់ព័ន្ធការរៀបចំ សន្តិសុខ សណ្តាប់ធ្នាប់ នៅប្រជុំជនផ្សារផ្អាវ ស្រុកបាធាយ ដែលយុទ្ធនាការនេះមានរយៈពេលមួយខែគត់ ដែលទទួលបានលទ្ធផលប្រកបដោយផ្លែផ្កា។ លោក ក៏បានចាត់ឲ្យអជ្ញាធរស្រុក បន្តអនុវត្តការងារខាងលើរហូតទទួលបានលទ្ធផល ១០០%។
បន្ទាប់មក លោកអភិបាលខេត្ត ក៏បានកោតសរសើរ និងបានផ្តល់ថវិកាលើកទឹកចិត្តដល់ អាជ្ញាធរ កងកម្លាំងមានសមត្ថកិច្ចដែល និងក្រុមជាង ដែលកំពុងបំពេញ បេសកកម្មខាងលើផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។