កូវីដ១៩! សម្លាប់មនុស្សជាង ៨៦ម៉ឺននាក់ហើយ នៅទូទាំងពិភពលោក
បរទេស៖ ជំងឺរាតត្បាតដ៏កាចសាហាវកូវីដ១៩ បានចម្លងទៅមនុស្សសរុបចំនួន២៥លាន៨៨ម៉ឺន៩ពាន់១១០ករណី ក្នុងនោះមានអ្នកជម្ងឺសរុបចំនួន៨៦ម៉ឺន ២៦៦នាក់ស្លាប់ និង ជាសះស្បើយឡើងវិញសរុបចំនួន១៨លាន១៧ម៉ឺន១ពាន់២២១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០១ ខែកញ្ញា ឆ្នាំ២០២០។
ខាងក្រោមនេះ ជាបណ្តាប្រទេសដែលមានចំនួនអ្នកឆ្លង និងស្លាប់ ដោយសារជំងឺកូវីដ១៩ ច្រើនជាងគេ៖
ទី១) សហរដ្ឋអាមេរិក មានអ្នកឆ្លងចំនួន ៦លាន២៥ម៉ឺន៦ពាន់៤៥៩នាក់ ក្នុងនោះស្លាប់ ១៨ម៉ឺន៨ពាន់៨៧០នាក់ និងជាសះស្បើយចំនួន៣លាន៤៨ម៉ឺន៤ពាន់៤៥៨នាក់។
ទី២) ប្រទេសប្រេស៊ីល មានអ្នកឆ្លងចំនួន ៣លាន៩៥ម៉ឺន២ពាន់៧៩០នាក់ ក្នុងនោះស្លាប់ ១២ម៉ឺន២ពាន់៦៨១នាក់ និងជាសះស្បើយ ៣លាន១៥ម៉ឺន៩ពាន់៩៦នាក់។
ទី៣) ប្រទេសឥណ្ឌា មានអ្នកឆ្លងចំនួន ៣លាន៧៦ម៉ឺន៦ពាន់១០៨នាក់ ក្នុងនោះស្លាប់ ៦ម៉ឺន៦ពាន់៤៦០នាក់ និងជាសះស្បើយ ២លាន៨៩ម៉ឺន៨ពាន់៨៧នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។