ដកហូតទំនិញ និងពពុះសណ្តែក មានផ្ទុកសារធាតុគីមី នៅក្នុងផ្សារអ្នកលឿង
ខេត្តព្រៃវែង៖ កាលពីថ្ងៃទី៧ ខែកញ្ញា ឆ្នាំ២០២០ មន្ត្រីសាខា ក.ប.ប. ខេត្តព្រៃវែង ដោយមានការសហការជាមួយមន្ត្រីមន្ទីរពាណិជ្ជកម្ម និងអាជ្ញាធរដែនដី បានចុះត្រួតពិនិត្យទំនិញម្ហូបអាហារ នៅផ្សារអ្នកលឿង ស្ថិតនៅ ឃុំព្រែកខ្សាយ”ខ”ស្រុកពាមរក៌ ខេត្តព្រៃវែង។
ក្នុងសកម្មភាពនោះ មន្ត្រីជំនាញ បានរកឃើញ និងដកហូតម្សៅទឹកដោះគោ នូទ្រីលែត (Nutrilatt)សរុបចំនួន ២០កំប៉ុង ឲ្យបញ្ឈប់ដាក់តាំងលក់បណ្តោះអាសន្ន និងរកឃើញទំនិញខូចគុណភាពខូចគុណភាព និងហួសកាលបរិច្ឆេទ សរុបចំនួន ៧៨.៤១គីឡូក្រាម និងពពុះសណ្តែក ១២គំរូ មានផ្ទុកសារធាតុគីមីប៉ូរ៉ាក់ផងដែរ។
ករណីនេះ ជំនាញ ក៏បានធ្វើកំណត់ហេតុដកហូត និងបានធ្វើការណែនាំដល់ម្ចាស់ម៉ាតឲ្យបញ្ឈប់ការដាក់តាំងលក់ទំនិញហួសកាលបរិច្ឆេទកាលប្រើប្រាស់បន្តទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។