បើកម៉ូតូលឿនពេក ជ្រុលទៅបុកកន្ទុយរថយន្ត ស្លាប់ម្នាក់ របួសធ្ងន់ម្នាក់
ភ្នំពេញ៖ យ៉ាងហោចណាស់យុវជនចចំនួន ២នាក់ ម្នាក់ស្លាប់ ម្នាក់របួសធ្ងន់ ករណីជិះម៉ូតូឌុបគ្នា ក្នុងល្បឿនលឿនជ្រុលទៅបុកកន្ទុយរថយន្តបម្រុងនឹងបត់ពេញទំហឹង កាលពីវេលាម៉ោងជាង១យប់ រំលងអធ្រាត្រឈានចូលថ្ងៃពុធទី៩ ខែកញ្ញា ឆ្នាំ២០២០នេះ នៅក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
សាក្សីនៅកន្លែងកើតហេតុ បានឲ្យដឹងថា គេបានឃើញរថយន្ត១គ្រឿង ប្រភេទសណ្តោង ពាក់ផ្លាកលេខ ខេមរភូមិន០២ ៣.២៦៣១ ធ្វើដំណើក្នុងទិសដៅពីជើងមកត្បូង បម្រុងបត់ឆ្វេងឡើងទៅផ្លូវមុនីវង្ស ខណៈនោះស្រាប់តែមានយុវជនចំនួន ២នាក់ ជិះម៉ូតូ១គ្រឿង ម៉ាកវីវ៉ា ពាក់ផ្លាកលេខភ្នំពេញ1-BS 7528 ធ្វើដំណើក្នុងទិសដៅពីជើងមកត្បូង ជិះឌុបគ្នា ក្នុងល្បឿនលឿន បានជ្រុលទៅបុកកន្ទុយរថយន្តយ៉ាងពេញទំហឹង បណ្តាលឲ្យស្លាប់ម្នាក់ និងរបួសធ្ងន់ម្នាក់តែម្តង។ ភ្លាមៗអ្នកបើករថយន្ត បានរត់គេចខ្លួនបាត់ស្រមោល។
ក្រោយពេលកើតហេតុ សមត្ថកិច្ចមូលដ្ឋាន ចុះវាស់វែង និងយករថយន្ត និងម៉ូតូទៅរក្សាទុកនៅស្នងការក្រុង។ ចំណែកសពប្រគល់ជូនទៅឲ្យក្រុមគ្រួសារធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។