ដោយសារគ្រឿងញៀនជាងកន្លះគីឡូក្រាម! ស្ត្រីវ័យក្មេងម្នាក់ ត្រូវជាប់គុក២០ឆ្នាំ
ភ្នំពេញ៖ តុលាការ កាលពៅថ្ងៃទី១០ ខែកញ្ញា ឆ្នាំ២០២០ បានសម្រេចផ្តន្ទាទោសស្ត្រីវ័យក្មេងម្នាក់ ជាប់ពន្ធនាគាររយៈពេល ២០ឆ្នាំ និងពិន័យជាប្រាក់ចំនួន ៤០លានរៀល ពីបទរក្សាទុក ដឹកជញ្ជូន និង ជួញដូរគ្រឿងញៀនជាងកន្លះគីឡូក្រាម។
សូមបញ្ជាក់ថា ស្ត្រីវ័យក្មេងរូនេះ ឈ្មោះ យន ស្រីនាង អាយុ២៥ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់បឹងកក់២ ខណ្ឌទួលគោក រាជធានីភ្នំពេញ ត្រូវបានសមត្ថកិច្ច ចាប់ខ្លួនបានកាលពីថ្ងៃទី២១ ខែមីនា ឆ្នាំ២០២០ និងដកហូតគ្រឿងញៀន ប្រភេទមេតំហ្វេតាមីន (ICE)ចំនួន ៥៩៨.៨១ (ស្មើជាងកន្លះគីឡូក្រាម) នៅចំណុចបេនឡានផ្សារដើមគរ សង្កាត់ផ្សារដើមគរ រាជធានីភ្នំពេញ។
ករណិនេះ សមត្ថកិច្ច បានអះអាងថា តាមចម្លើយរបស់ជនជាប់ចោទ ដើម្បីដោះបន្ទុកឱ្យខ្លួនបានធូរស្រាលតែប៉ុណ្ណោះ ការពិតគ្រឿងញៀននោះគឺ សង្សាររបស់នាង តម្រូវយកទៅប្រគល់ឱ្យម៉ូយ ហើយត្រូវក៏កម្លាំងសមត្ថកិច្ចឃ្លាំមើល និងស្ទាក់ចាប់ខ្លួនបានតែម្តង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។