រងសំពាធខ្លាំងពីលោកត្រាំ! TikTok គ្រោងបោះទុនរាប់ពាន់លានដុល្លារនៅសិង្ហបុរី
សារព័ត៌មាន Bloomberg បានចេញផ្សាយនៅថ្ងៃទី១១ កញ្ញានេះថា ក្រុមហ៊ុនចិន TikTok ដែលជាបណ្តាញសង្គមយក្សដ៏ល្បីល្បាញកំពុងតែរៀបចំគម្រោងវិនិយោគជាទឹកប្រាប់រាប់ពាន់លានដុល្លារ នៅក្នុងប្រទេសសិង្ហបុរី ដើម្បីធ្វើឲ្យសិង្ហបុរីក្លាយជា ទឹកដីស្នូលមួយឲ្យក្រុមហ៊ុននេះ ពង្រីកឥទ្ធិពលរបស់ខ្លួនបន្ថែមទៀតនៅទ្វីបអាស៊ី និងពិភពលោកទាំងមូល។
TikTok ត្រូវបានគេមើលឃើញថា កំពុងរកមើលទីក្រុង និងប្រទេសមួយចំនួនដែលសក្តិសម ឲ្យខ្លួនធ្វើការបោះទុនវិនិយោគ និងបង្កើតធនាគារឌីជីថល ដែលមានកញ្ចប់ទឹកប្រាក់រាប់ពាន់លានដុល្លារអាមេរិក សម្រាប់រយៈពេល ០៣ឆ្នាំទៅមុខទៀត។ ប៉ុន្តែប្រភពដ៏គួរឲ្យទុកចិត្តដែលបានបញ្ជាប់ប្រាប់សារព័ត៌មាន Bloomberg សុំមិនបញ្ចេញអត្តសញ្ញាណទេ។
ស្ថិតនៅក្រោមសម្ពាធរបស់ប្រធានាធិបតីអាមេរិក លោក ដូណាល់ ត្រាំ ក្រុមហ៊ុនមេរបស់ TikTok ទំនងជាមិនអាចលក់ TikTok ទាំងស្រុងបានឡើយ ប៉ុន្តែកិច្ចចរចាកំពុងប្រព្រឹត្តទៅនៅឡើយ រវាងក្រុមហ៊ុននេះ និងរដ្ឋបាលដឹកនាំរបស់លោក ត្រាំ។ តែលោកត្រាំ ទើបអះអាងថា មិនមានការពន្យារពេលសម្រាប់ TikTok នោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។