ក្មេងស្រី២នាក់ លង់ទឹកថ្លុកស្លាប់ ខណៈម្តាយឪពុកចេញទៅធ្វើការបាត់
ខេត្តព្រះសីហនុ៖ យ៉ាងហោចណាស់ក្មេងស្រីចំនួន ២នាក់ បានលង់ទឹកស្លាប់ ដែលបង្កឲ្យមានការភ្ញាក់ផ្អើលឡើងកាលពីថ្ងៃទី២០ ខែកញ្ញា ឆ្នាំ២០២០ នៅក្នុងរោងចក្រអគ្គីសនី ធ្យូងថ្ម តំបន់សេដ្ឋកិច្ចពិសេស ក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។
សមត្ថកិច្ច បានឲយដឹងថា ក្មេងស្រីទាំង២នាក់នេះ មានឈ្មោះ ថន ស្រីនិត អាយុ៤ឆ្នាំ និងឈ្មោះ ចន មុន្នីនាថ អាយុ៤ឆ្នាំ ស្នាក់នៅកន្លែងកើតហេតុ។ មុនពេលកើតហេតុ ឪពុកម្តាយក្មេងទាំង២នាក់ បានទុកពួកគេចោលឲ្យផ្ទះ ហើយក៏នាំគ្នាទៅធ្វើការអស់ លុះប្រហែលជាម៉ោង១១ថ្ងៃត្រង់ ពេលចេញពីធ្វើការវិញ ស្រាប់តែរកកូនមិនឃើញ ក៏នាំគ្នាដើររក ហើយក៏ប្រទះឃើញកូនលង់ក្នុងថ្លុកទឹកក្បែរកន្លែងស្នាក់នៅ ដោយ ដៃកាន់ជាប់គ្នា ស្លាប់បាត់ទៅហើយ។
ភ្លាមៗនោះ ក្មេងទាំង២នាក់ ត្រូវបានបញ្ជូនទៅមណ្ឌលសុខភាពឃុំរាម ដើម្បីសង្គ្រោះដែរ តែជាអកុសលក្មេងរងគ្រោះបានស្លាប់ទៅហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។