ព្យុះនូល សម្លាប់មនុស្ស៦នាក់ របួស១១២នាក់ នៅវៀតណាម
វៀតណាម៖ ព្យុះ នូល បានសម្លាប់មនុស្ស៦នាក់ និងរបួសមនុស្ស១១២នាក់ផ្សេងទៀត នៅប្រទេសវៀតណាម ព្រមទាំងថែមទាំងបណ្តាលឲ្យមានការដាច់ចរន្តអគ្គិសនីទ្រង់ទ្រាយធំនៅតំបន់កណ្តាលប្រទេសទៀតផង នេះបើតាមគណៈកម្មាធិការគ្រប់គ្រងគ្រោះមហន្តរាយជាតិ កាលពីម្សិលមិញ។
តំបន់ដែលរងគ្រោះខ្លាំងជាងគេគឺខេត្ត Thua Thien-Hue ដែលមានមនុស្សដល់ទៅ៤នាក់បានស្លាប់ ហើយព្យុះនេះក៏បានបណ្តាលឲ្យមានការបាក់ដី នៅតំបន់ឆ្នេរភាគកណ្តាលទៀតផង។ ក្រៅពីនេះ ក៏មាននៅខេត្ត Ha Tinh និង Quang Binhដែរ។
ប្រជាពលរដ្ឋជាង២៨ម៉ឺនគ្រួសារគ្មានអគ្គិសនីប្រើប្រាស់ តាំងពីថ្ងៃសុក្រ ហើយក៏មានរលំដើមឈើជាង១ម៉ឺនដើម បង្កជាគ្រោះថ្នាក់នៅតាមដងផ្លូវនានា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។