អភិបាលខេត្តព្រះសីហនុ ដឹកនាំកិច្ចប្រជុំគណះបញ្ជាការឯកភាពខេត្ត
ខេត្តព្រះសីហនុ៖ នៅព្រឹកថ្ងៃទី២៩ ខែកញ្ញា ឆ្នាំ២០២០ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដឹកនាំកិច្ចប្រជុំគណៈបញ្ជាការឯកភាពខេត្តព្រះសីហនុ ដោយមានការចូលរួមពីលោក លោកស្រី អភិបាលរងខេត្ត អភិបាលក្រុង ស្រុក ប្រធានមន្ទីរ អង្គភាពពាក់ព័ន្ធជុំវិញខេត្ត និងកងកម្លាំងទាំងបីប្រភេទផងដែរ ។
ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ មានប្រសាសន៍ក្នុងកិច្ចប្រជុំ ដោយចេញបទបញ្ជាក្នុងនាមប្រធានគណៈបញ្ជាការឯកភាពខេត្ត ឲ្យកងកម្លាំងមានសមត្ថកិច្ច ធ្វើប្រតិបត្តិការត្រួតពិនិត្យ បង្ក្រាបបទល្មើសផ្សេងៗក្នុងខេត្តព្រះសីហនុ មានដូចជាបង្ក្រាបករណីរក្សាទុកនិងប្រើប្រាស់អាវុធខុសច្បាប់ បទល្មើសគ្រឿងញៀន បទល្មើសចោរកម្ម និងអំពើអបាយមុខផ្សេងៗដែលប៉ះពាល់ដល់សន្តិសុខសង្គម។ វិធានការជារួម គឺកងកម្លាំងសមត្ថកិច្ចចម្រុះនឹងធ្វើប្រតិបត្តិការ តាមដងផ្លូវនិងតាមគោលដៅសំខាន់ៗគ្រប់មូលដ្ឋាន ហើយអ្នកពាក់ព័ន្ធនឹងបទល្មើស ត្រូវចាប់ខ្លួនយកមកផ្តន្ទាទោសតាមច្បាប់។
ជាមួយនឹងវិធានការនេះ ឯកឧត្តម អភិបាលខេត្ត ក៍បានកោតសរសើរដល់ការខិតខំប្រឹងប្រែងរបស់មន្ត្រីមានសមត្ថកិច្ច ក្នុងកិច្ចការ កាពាររក្សាសន្តិសុខ សុវត្ថិភាព ជូនបងប្អូនប្រជាពលរដ្ឋកន្លងមកផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។