ផឹកស្រាស្រវឹង ទៅដេកលើផ្លូវរទេះភ្លើង ត្រូវកិនដាច់ដៃជើងស្លាប់នៅនឹងកន្លែង
ភ្នំពេញ៖ កាលពីថ្ងៃទី២៩ ខែកញ្ញា ឆ្នាំ២០២០ បុរសម្នាក់ ត្រូវគេប្រទះឃើញដេកស្លាប់ ក្នុងស្ថានភាពដាច់ដៃដាច់ជើង នៅលើផ្លូវរថភ្លើង នៅភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ។
ជនរងគ្រោះ ឈ្មោះ សុខា សោភ័ណ្ឌ ភេទប្រុស អាយុ២៩ឆ្នាំ មុខរបរកម្មករសំណង់ នៅក្នុងការដ្ឋានសំណង់បុរីផ្ទះ ល្វែងអូរដឹម។ មុនពេលកើតហេតុជនរងគ្រោះ បានផឹកស្រាស្រវឹងជោគ រួចក៏ទៅដេកលើផ្លូវរទេះភ្លើង លុះដល់ព្រឹកថ្ងៃកើតហេតុ ទើបប្រទះឃើញសាកសព។
ក្រោយពេលកើតហេតុ នគរបាលជំនាញ បានចុះពិនិត្យ និងបានប្រគល់សពជូនសាច់ញាតិយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។