បង្ក្រាករណីជួញដូរគ្រឿងញៀនទ្រង់ទ្រាយធំ ឃាត់ខ្លួន២នាក់ នៅខេត្តមណ្ឌលគិរី
ខេត្តមណ្ឌលគិរី៖ កម្លាំងនគបាលខេត្តមណ្ឌលគិរី បានចុះបង្ក្រាករណីជួញដូរគ្រឿងញៀនជាទ្រង់ទ្រាយធំ ដោយបានឃាត់ខ្លួនជនស្ស័យចំនួន ២នាក់ ដកហូតថ្នាំញៀនជាង ២០កញ្ចប់កាលពីវេលាម៉ោងជាង៦ល្ងាច ថ្ងៃទី៣០ ខែកញ្ញា ឆ្នាំ២០២០ នៅចំណុចភូមិចំការតែ សង្កាត់ស្ពានមានជ័យ ក្រុងសែនមនោរម្យ។
លោកវរសេនីយ៍ឯក កាន់ ពេញ អធិការនគរបាលក្រុងសែនមនោរម្យ បានឱ្យដឹងថា ជនសង្ស័យទាំង២នាក់នេះ មានឈ្មោះ ដា រី ហៅម៉ាប់ ភេទប្រុស អាយុ៣២ឆ្នាំ ជនជាតិខ្មែរឥស្លាម មុខរបរមិនពិតប្រាកដ និងឈ្មោះ ជា ផាលីណែត ភេទស្រី អាយុ២៥ឆ្នាំ អ្នកទាំង២ ស្នាក់នៅភូមិសង្កាត់កើតហេតុខាងលើ។
ក្នុងប្រតិបត្តិការនេះដែរ ជំនាញ បានដកហូតវត្ថុតាង រួមមាន៖ គ្រឿងញៀនក្រាមពណ៌សថ្លា (ម៉ាកទឹកកក)ចំនួន ២២កញ្ចប់ (៦កញ្ចប់ធំ ៧កញ្ចប់ធំល្មម ៩កញ្ចប់តូច), អាវុធចំនួន ១ដើម, ទូរសព្ទ័ដៃចំនួន ២គ្រឿង, ម៉ូតូចំនួន ២គ្រឿង សម្ភារ និងឯកសារមួយចំនួនទៀត។
បច្ចុប្បន្នជនសង្ស័យ រួមទាំងវត្ថុតាង ត្រូវបានកម្លាំងជំនាញប្រឆាំងគ្រឿងញៀនខេត្ត កសាងសំណុំរឿងដើម្បីចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។