៩ខែ ឆ្នាំ២០២០នេះ រឹបអូសថ្នាំញៀនជាង ៧០០គីឡូក្រាម សមត្ថកិច្ចឃាត់មនុស្សជិត ១.៦ម៉ឺននាក់ និងចឃាត់មនុស្សជិត ១.៦ម៉ឺននាក់
ភ្នំពេញ៖ រយៈពេល៩ខែ ឆ្នាំ២០២០ ចាប់ថ្ងៃទី១ ខែមករា ដល់ថ្ងៃទី៣០ ខែកញ្ញា ឆ្នាំ២០២០ កម្លាំងសមត្ថកិច្ចបានបង្ក្រាបបទល្មើសគ្រឿងញៀនចំនួន ៧,៧៨៨ករណី ដោយឃាត់ខ្លួនជនសង្ស័យចំនួន១៥,៧៧០នាក់ (ស្រី៩៨០នាក់) ក្នុងនោះមានជនបរទេស ២២៤នាក់ (ស្រី៣៣នាក់)។
នេះបើតាមរបាយការណ៍ បង្ហាញទៀតថា ករណីបង្ក្រាបបទល្មើសគ្រឿងញៀន ក្នុងនោះរួមមាន៖ ករណីជួញដូរ រក្សាទុក កែឆ្នៃ ចាត់ចែង និងដាំដុះ មាន៤,៩៩៨ករណី ដោយឃាត់ខ្លួន ៩,៣១៩នាក់ (ស្រី៧៤២នាក់) និងករណីប្រើប្រាស់ ២,៧៩០ករណី ឃាត់ខ្លួន៦,៤៥១នាក់ (ស្រី២៣៨នាក់)។ ចំណែក ការអនុវត្ដដីកាតុលាការ ឃាត់ខ្លួន៣៥៥នាក់ (ស្រី៧នាក់)។
ក្នុងផងដែរ សមត្ថកិច្ច ក៏បានរឹបអូសថ្នាំញៀនគ្រប់ប្រភេទជាង ៧០២គីឡូក្រាម និង៥៤៦កញ្ចប់តូច, កញ្ឆាជាង២៨៧គីឡូក្រាម និង១៩៩,៥៥៩ដើម។ សម្ភារចាប់យកមាន៖ រថយន្ដ៩១គ្រឿង ម៉ូតូ២០០១គ្រឿង ទូរស័ព្ទ ៥,៨៣៣គ្រឿង ជញ្ជីង៣៧៣គ្រឿង អាវុធខ្លី២៣ដើម អាវុធវែង១៧ដើម, បង្កកផ្ទះ២កន្លែង ដីផ្ទះ២កន្លែង ខុនដូ១កន្លែង ឃ្លាំង១កន្លែង និងគណនីធនាគារចំនួន៣ មានទឹកប្រាក់២ម៉ឺនដុល្លារ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។