ស្ត្រីជនជាតិទំពូនម្នាក់ ហូបសត្វគីង្គក់ពុលស្លាប់ នៅស្រុកអណ្តូងមាស
ខេត្តរតនគិរី៖ ស្ត្រីជនជាតិទំពូនម្នាក់ បានចាប់សត្វគីង្គក់យកទៅធ្វើម្ហូប បណ្តាលឱ្យពុលរហូតដល់ស្លាប់ ដែលបង្កឲ្យមានការភ្ញាក់ផ្អើលឡើង កាលពីល្ងាចថ្ងៃទី០១ ខែតុលា ឆ្នាំ២០២០ ក្នុងភូមិកាតែ ឃុំម៉ាលិក ស្រុកអណ្តូងមាស ខេត្តរតនគិរី។
ស្ត្រីរងគ្រោះមានឈ្មោះ រចំ យូង អាយុ៤៥ឆ្នាំ ជនជាតិទំពូន។ ករណីនេះ អាជ្ញាធរស្រុកអណ្តូងមាស បញ្ជាក់ថា ក្រោយពីធ្វើកោសល្យវិច្ច័យរួច ជនរងគ្រោះពិតជាពុលដោយសារយកសត្វគីង្គក់ យកមកធ្វើម្ហូបរួចហូប បណ្តាលឲ្យមានអាការៈក្អូត រាករូស បែកពពុះមាត់មិនអាចជួយសង្គ្រោះទាន់។
សពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារ ធ្វើបុណ្យតាមប្រពៃជនជាតិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។