អត់ប្រយ័ត្ន! ជិះម៉ូតូបុកដើមឈើ ស្លាប់ម្នាក់ របួសធ្ងន់២នាក់
ខេត្តបាត់ដំបង៖ យ៉ាងហោចណាស់មនុស្សចំនួន ៣នាក់ ក្នុងនោះស្លាប់ម្នាក់ ដោយសារគ្មានការប្រុងប្រយ័ត្ន បានជិះម៉ូតូទៅបុកដើមឈើដោយខ្លួនឯង។ ករណីនេះ បានបង្កឲ្យមានការភ្ញាក់ផ្អើលឡើង កាលពីវេលាម៉ោងជាង៤រសៀល ថ្ងៃទី៤ ខែតុលា ឆ្នាំ២០២០ ក្នុងភូមិពេជ្រចិន្ដា ឃុំពេជ្រចិន្តា ព្រំប្រទល់ស្រុកភ្នំព្រឹក និងស្រុកកំរៀង ខេត្តបាត់ដំបង។
សមត្ថកិច្ចមូលដ្ឋាន បានបញ្ជាក់ថា ដោយសារអ្នកបើកបរ បើកក្នុងស្ថានភាពល្បឿនលឿន ខ្វះការប្រុងប្រយ័ត្ន លុះបើកមកដល់ផ្លូវកោង ក៏ជ្រុលទៅបុកដើមឈើដោយខ្លួនឯង បណ្តាលស្ត្រីម្នាក់ស្លាប់ភ្លាមៗ និង២នាក់ទៀតរងរបួសធ្ងន់ ត្រូវបានបញ្ជូនទៅកាន់មន្ទីរពេទ្យដើម្បីជួយសង្គ្រោះ។
ក្រោយពេលកើតហេតុ សមត្ថកិច្ច បានចុះវាស់វែង និងបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។